ଏକାଠି ହେଲେ ଅସନ୍ତୁଷ୍ଟ ବିଜେଡି ନେତା, କର୍ମୀ

ଦାରିଙ୍ଗବାଡ଼ି,୧୮।୬(ଡି.ଏନ.ଏ)-ସାଧାରଣ ନିର୍ବାଚନ ଫଳାଫଳ ଆସିବା ପରେ ଦାରିଙ୍ଗବାଡ଼ି ବ୍ଲକ ବିଜେଡିରେ ଦଳ ବିରୋଧୀଙ୍କୁ ବହିଷ୍କାର କରିବା ଦାବି ଜୋର ଧରିଛି। ଦଳ ବିରୋଧୀ ଅଭିଯୋଗ ଆସିଥିବା ନେତା, କର୍ମୀ ଓ ଠିକାଦାରଙ୍କ ମଧ୍ୟରେ ଏହାକୁ ନେଇ ଅସନ୍ତୋଷ ଦେଖାଯାଇଛି। ସୋମବାର ଏମାନେ ଦାରିଙ୍ଗବାଡି ପଥପାର୍ଶ୍ୱ ସେବାକେନ୍ଦ୍ରଠାରେ ଏକାଠି ଖବରଦାତା ସମ୍ମିଳନୀ କରି ସେମାନଙ୍କ ଅସନ୍ତୋଷ ବ୍ୟକ୍ତ କରିଛନ୍ତି। ବିଧାୟକ ସାଲୁଗା ପ୍ରଧାନଙ୍କ ଆଚରଣ, ଉଚ୍ଚାରଣକୁ ବିରୋଧ କରିବା ସହ ଦଳର କ୍ଷତି ହେବା ଭଳି କିଛି କାର୍ଯ୍ୟ ସେମାନେ କରି ନ ଥିବା କହିଛନ୍ତି। ନିର୍ବାଚନରେ ବିଧାୟକ ପ୍ରାର୍ଥୀ ପାଇଁ ଆଶାୟୀ ଥିବା ସୋମନାଥ ପ୍ରଧାନଙ୍କ ସମେତ ଲୁକସୁନା ମାଝି, ଲେଙ୍କା ପ୍ରଧାନ, ଠିକାଦାର ବିଜୟ କୁମାର ସାହୁ, ରୋହିତ ସାହୁ, ପ୍ରଦୀପ କୁମାର ସାହୁ ପ୍ରମୁଖ ଖବରଦାତା ସମ୍ମିଳନୀରେ ଅଭିଯୋଗ କରିଛନ୍ତି ଯେ, ଷଡ଼ଯନ୍ତ୍ର କରି ସେମାନଙ୍କୁ ବିଜେଡିରୁ ବହିଷ୍କାର ପାଇଁ ଯୋଜନା କରାଯାଉଛି। ନିର୍ବାଚନରେ ସେମାନେ ବିଧାୟକ ପ୍ରଧାନଙ୍କୁ ଜିତାଇବା ପାଇଁ କଠିନ ପରିଶ୍ରମ କରିଛନ୍ତି।
ଲକସୁନା କହିଥିଲେ, ୨୦୦୯ ନିର୍ବାଚନରେ ଦଳ ତାଙ୍କୁ ଟିକେଟ ଦେଇଥିଲା। ସେ ସମୟରେ ସାଲୁଗା ତାଙ୍କୁ ବିରୋଧ କରି ନିଜେ ସ୍ବାଧୀନ ପ୍ରାର୍ଥୀ ଭାବେ ନିର୍ବାଚନ ଲଢ଼ି ଦଳକୁ ପରାଜିତ କରାଇଥିଲେ। ସେ ସମୟରେ ଏ ନେଇ କାହିଁକି ଦଳର ରାଜ୍ୟ ସଭାପତିଙ୍କୁ ପ୍ରମାଣ ସହ ଅଭିଯୋଗ କଲେନି ବୋଲି ଲୁକସୁନାଙ୍କୁ ଖବରଦାତାମାନେ ପଚାରିବାରୁ ସେ କୌଣସି ସନ୍ତୋଷଜନକ ଉତ୍ତର ଦେଇପାରି ନ ଥିଲେ ା ସେହିପରି ବିଧାୟକ ପ୍ରଧାନଙ୍କ ବିରୋଧରେ ଆହୁରି ଅଭିଯୋଗ କରାଯାଇଥିଲା ଯେ, ୨୦୧୪ ନିର୍ବାଚନରେ ରାଇକିଆର ତତ୍କାଳୀନ ବ୍ଲକ ଅଧ୍ୟକ୍ଷ ପ୍ରଦୀପ କୁମାର ପ୍ରଧାନଙ୍କୁ ଏହି ନିର୍ବାଚନ ମଣ୍ଡଳୀ ପାଇଁ ବିଧାୟକ ପ୍ରାର୍ଥୀ କରାଯାଇଥିଲା। ତାଙ୍କୁ ମଧ୍ୟ ସେ ସମୟରେ ବିଧାୟକ ପ୍ରଧାନ ବିରୋଧ କରିଥିଲେ। ଅନ୍ୟପକ୍ଷରେ ଏମପି ଭୋଟ ବିଜେଡିକୁ ଓ ବିଧାୟକ ଭୋଟ କଂଗ୍ରେସକୁ ଦେବାକୁ ଲୋକଙ୍କୁ ପ୍ରବର୍ତ୍ତା ଯାଇଥିବା ଅଭିଯୋଗ ସମ୍ପର୍କରେ ପଚରାଯିବାରୁ ସୋମନାଥ ପ୍ରଧାନ ଏହାକୁ ଅସ୍ବୀକାର କରିବା ସହ ବିଧାୟକ ଏହାର ପ୍ରମାଣ ଦିଅନ୍ତୁ ବୋଲି କହଥିଲେ। ୧୧ ତାରିଖରେ ହୋଇଥିବା ବୈଠକକୁ କାହିଁିକି ଡକାଗଲାନି ଏବଂ ଦଳ ବିରୋଧୀ କାର୍ଯ୍ୟ କରିଥିବା ନେଇ କାହିଁକି ପ୍ରମାଣ ଦିଆଗଲାନି ବୋଲି ଅସନ୍ତୁଷ୍ଟ ନେତା ଓ କର୍ମୀମାନେ ପ୍ରଶ୍ନ କରିଥିଲେ। ବିଧାୟକ ପ୍ରଧାନଙ୍କ ଅଭିଯୋଗ ଭିତ୍ତିହୀନ । ଏହାର ତଦନ୍ତ କରି ରାଜ୍ୟ ସଭାପତି ପଦକ୍ଷେପ ନେବାକୁ ସେମାନେ ଦାବି କରିଥିଲେ। ବିଧାୟକ ପ୍ରଧାନ ତାଙ୍କ ଆଚରଣ ଓ ଉଚ୍ଚାରଣ ଠିକ ନ କଲେ ଆସନ୍ତା ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ଅଞ୍ଚଳରେ ବିଜେଡି ଜିତିବା ଅସମ୍ଭବ ହୋଇପଡ଼ିବ ବୋଲି ସେମାନେ ଖବରଦାତା ସମ୍ମିଳନୀରେ କହିଛନ୍ତି। ଏ ସମ୍ପର୍କିତ ଏକ ଦାବିପତ୍ର ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ସମେତ ଦଳର ଜିଲା ସଭାପତି, ଜିଲା ପର୍ଯ୍ୟବେକ୍ଷକ, ମନ୍ତ୍ରୀ ପଦ୍ମନାଭ ବେହେରା ଏବଂ ଏମପି ଅଚ୍ୟୁତ ସାମନ୍ତଙ୍କୁ ପ୍ରଦାନ କରାଯାଇଥିବା ଜଣାଇଛନ୍ତି। ସେହିପରି ଠିକାଦାର ରୋହିତ ସାହୁ କହିଛନ୍ତି, ଗତ ନିର୍ବାଚନ ବେଳେ ସୋମନାଥଙ୍କୁ ଟିକେଟ ପାଇଁ ତାଙ୍କ ସହ ଭୁବନେଶ୍ୱର ଯାଇଥିବାରୁ ଦଳରୁ ବହିଷ୍କାର ପାଇଁ ଚକ୍ରାନ୍ତ କରାଯାଇଛି। କୌଣସି ଠିକାକାର୍ଯ୍ୟ ନ ଦେବାକୁ ଯନ୍ତ୍ରୀ, ପଞ୍ଚାୟତ ନିର୍ବାହୀ ଅଧିକାରୀଙ୍କୁ ବିଧାୟକ ପ୍ରଧାନ ପରାମର୍ଶ ଦେଉଥିବାରୁ ସେ ଏବେ ମର୍ମାହତ ବୋଲି କହିଛନ୍ତି। ଏ ନେଇ ବିଧାୟକ ପ୍ରଧାନଙ୍କ ସହ ମୋବାଇଲ ଫୋନରେ ଯୋଗାଯୋଗ କରାଯିବାରୁ ସେ ଏବେ ଜିଲା ବାହାରେ ଅଛନ୍ତି, କ’ଣ ଅଭିଯୋଗ ଆସିଛି ତାହା ଠିକ ଭାବେ ଜାଣି ନ ଥିବା କହିଥିଲେ। ଜାଣବା ପରେ ଉତ୍ତର ଦେବେ ବୋଲି କହିଛନ୍ତି। ସୂଚନାଯୋଗ୍ୟ, ୧୧ ତାରିଖରେ ବ୍ଲକ ସଭାପତି ଦିଲୀପ କୁମାର ପ୍ରଧାନଙ୍କ ଅଧ୍ୟକ୍ଷତାରେ ନିର୍ବାଚନୀ ସମୀକ୍ଷା ବୈଠକ ହୋଇଥିଲା। ଦଳ ବିରୋଧୀ କାର୍ଯ୍ୟ କରିଥିବା କର୍ମୀଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାକୁ ଦାବି ହୋଇଥିଲା ା ବ୍ଲକ ସଭାପତି ପ୍ରଧାନ ରାଜ୍ୟ ସଭାପତିଙ୍କ ନିକଟକୁ ଦଳ ବିରୋଧୀଙ୍କ ନାମତାଲିକା ପଠାଇଥିଲେ।


Enter your email to get our daily news in your inbox.

All Right Reserved By Dharitri.Com

ଅଦିନିଆ ବର୍ଷାରେ ଫସଲ କ୍ଷୟକ୍ଷତି ଭରଣା ଚିନ୍ତା: ଜିଲାପାଳଙ୍କୁ ବାଣଲିଙ୍ଗେଶ୍ୱର କୃଷକ ସଂଘ ପକ୍ଷରୁ ଦାବିପତ୍ର

ଛତ୍ରପୁର,୨୭।୧୨(ଦିଲ୍ଲୀପ ସାମଲ): ଅଦିନିଆ ଲଗାଣ ବର୍ଷା ହେତୁ ଫସଲ କ୍ଷୟକ୍ଷତିର ଭରଣା, ଧାନର ଏଫଏକ୍ୟୁ ମାନ ଉଚ୍ଛେଦ, ଟୋକେନ୍ ଅବଧି ବୃଦ୍ଧି ଏବଂ ଫସଲବୀମା ଅର୍ଥ...

ସାମ୍ବାଦିକଙ୍କ ଗାଡି ନେଇଗଲେ ଚୋର, ଟେର୍ ପାଉନି ପୋଲିସ

ଛତ୍ରପୁର,୨୭।୧୨(ଦିଲ୍ଲୀପ ସାମଲ): ଛତ୍ରପୁର ଥାନା ଅଞ୍ଚଳରେ ଏବେ ଚୋରି ସଂଖ୍ୟା ବୃଦ୍ଧି ପାଉଛି । ଏପରିକି ଦୃବର୍ତମାନେ ସାମ୍ବାଦିକକୁ ମଧ୍ୟ ଛାଡି ନାହାନ୍ତି। ଏକ ଦୈନିକ...

ବାଛୁରୀକୁ ଖାଇଗଲା ବାଘ

ଭଞ୍ଜନଗର,୨୭ା୧୨(ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗର ସହରତଳି ଚ୍ଛେଦାଭୂମିରେ ଏକ ହେଟାବାଘ ବାଛୁରୀକୁ ମାରି ଖାଇ ଦେଇଥିବା ଅଭିଯୋଗ ହେଶଇଛି। ବାଛୁରୀ ମାଲିକ ବଳରାମ ଗୌଡ...

ବସୁଧା ଯୋଜନାରେ ଚାଲିଥିବା ପାଇପ୍‌ ଲାଇନ କାର୍ଯ୍ୟରେ ଅନିୟମିତତା ଅଭିଯୋଗ

ଗଞ୍ଜାମ,୨୭ା୧୨(ବିଦ୍ୟାଧର ସାହୁ): ପୂର୍ବ ସରକାରଙ୍କ ସମୟରେ ଆରମ୍ଭ ହୋଇଥିବା ବସୁଧା ଯୋଜନାରେ ସହରର ବିଭିନ୍ନ ଓ୍ବାର୍ଡରେ ରାସ୍ତା ଖୋଳା ଯାଇ ପାଇପ୍‌ ଲାଇନ କାମ ଚାଲିଛି...

ଶଙ୍ଖ ଭବନରେ ନେତ୍ରୀ ହାତାହାତି ପରେ, ଆସିକାରେ ବିଜେଡି ଦୁଇ ଫାଳ ପ୍ରତିଷ୍ଠା ଦିବସରେ…

ଶଙ୍ଖ ଭବନରେ ନେତ୍ରୀ ହାତାହାତି ପରେ, ଆସିକାରେ ବିଜେଡି ଦୁଇ ଫାଳ ପ୍ରତିଷ୍ଠା ଦିବସରେ.. ଭୁବନେଶ୍ୱର,୨୭।୧୨: ଗଞ୍ଜାମ ଜିଲା ଆସିକାରେ ବିଜେଡି ଦୁଇ ଫାଳ ।...

ଗାଡ଼ି ଶୋ’ ରୁମ୍‌ରେ ଭୟଙ୍କର ଅଗ୍ନିକାଣ୍ଡ, ଜଳିଗଲା ଏକାଧିକ ଗାଡ଼ି

ବ୍ରହ୍ମପୁର,୨୭ା୧୨: ବ୍ରହ୍ମପୁରର ଏକ ଇଲେକ୍ଟ୍ରି ଗାଡ଼ି ଶୋ’ ରୁମ୍‌ରେ ଶୁକ୍ରବାର ଭୟଙ୍କର ଅଗ୍ନିକାଣ୍ଡ ଘଟିଛି। ଟାଉନ ଥାନା ରେଡ୍ଡୀ ଗ୍ୟାରେଜ ଛକ ନିକଟ ଶୋ’ ରୁମ୍‌ରେ...

ଚାଷୀ ଆତ୍ମହତ୍ୟା ଘଟଣା: ମୃତଙ୍କ ପରିବାରଙ୍କୁ ଭେଟି ଆର୍ଥିକ ସହାୟତା ଦେଲେ ବିଧାୟକ

ଛତ୍ରପୁର, ୨୭।୧୨(ସନ୍ତୋଷ ପାଢ଼ୀ): ଅଦିନିଆ ବର୍ଷାରେ ଧାନ ଫସଲ ବ୍ୟାପକ କ୍ଷୟକ୍ଷତି କ୍ଷତି ହେବାରୁ ଗଞ୍ଜାମ ଜ଼ିଲା ଛତ୍ରପୁର ବ୍ଲକ ବଡ଼ମାଧପୁର ପଂଚାୟତ ବରଙ୍ଗ ଗ୍ରାମର...

ବେକରେ ଗାମୁଛା ଲଗାଇ ଛୁଲିପଡିଲେ ଯୁବକ, କାରଣ ଅସ୍ପଷ୍ଟ

ହିଞ୍ଜିଳିକାଟୁ, ୨୬।୧୨(ଦ୍ବିତୀକୃଷ୍ଣ ପଣ୍ଡା): ହିଞ୍ଜିଳି ଥାନା ପିତଳ ଗ୍ରାମର ଜଣେ ଯୁବକ ବେକରେ ଗାମୁଛା ଲଗାଇ ଆତ୍ମହତ୍ୟା କରିଛନ୍ତି। ମୃତକ ଜଣଙ୍କ ହେଲେ ହିଞ୍ଜିଳି ଥାନା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri