ନୂଆଦିଲ୍ଲୀ,୯।୨: ଉତ୍ତରଖଣ୍ଡ ଋଷିକେଶରେ ଜଣେ ୨୪ ବର୍ଷ ବୟସ୍କା ମହିଳା ଏକଥରେ ୪ ସନ୍ତାନଙ୍କୁ ଜନ୍ମ ଦେଇଛନ୍ତି। ସେମାନଙ୍କ ମଧ୍ୟରେ ୨ ଜଣ ଶିଶୁପୁତ୍ର ଏବଂ ୨ ଜଣ ଶିଶୁକନ୍ୟା ଅଛନ୍ତି। ସ୍ଥାନୀୟ ଏମ୍ସ୍ରେ ଏଭଳି ଘଟଣା ଘଟିଛି। ଉତ୍ତରକାଶୀ ବାରାକୋଟର ଏହି ମହିଳା ୩୪ ସପ୍ତାହ ଗର୍ଭଧାରଣ କରିବା ପରେ ପ୍ରସବ ପାଇଁ ଏମ୍ସ୍ରେ ଭର୍ତ୍ତି ହୋଇଥିଲେ। ପ୍ରତି ସାତ ଲକ୍ଷ ପ୍ରସବରେ ଏଭଳି ଗୋଟିଏ ଘଟଣା ଘଟିଥାଏ ବୋଲି ମହିଳାଙ୍କୁ ଚିକିତ୍ସା କରୁଥିବା ଡାକ୍ତର ଅନୁପମା ବାହାଦୁର କହିଛନ୍ତି। ଡେରାଡୁନ୍ ହସ୍ପିଟାଲ ମହିଳାଙ୍କୁ ଏମ୍ସ୍କୁ ଯିବାକୁ ପରାମର୍ଶ ଦିଆଯାଇଥିଲା। ଅଲ୍ଟାସାଉଣ୍ଡ କରାଯିବା ପରେ ମହିଳାଙ୍କ ଗର୍ଭରେ ୪ଟି ସନ୍ତାନ ଥିବା ଜଣାପଡ଼ିଥିଲା। ମହିଳାଜଣକଙ୍କ ଠାରେ ରକ୍ତହୀନତା ଥିବାରୁ ତାଙ୍କୁ ୩ ୟୁନିଟ୍ ରକ୍ତ ଦିଆଯାଇଥିଲା। ମହିଳାଙ୍କ ସର୍ଜରୀ କରାଯାଇ ପ୍ରସବ କରାଯାଇଥିବା ଅନୁପମା ସୂଚନା ଦେଇଛନ୍ତି।