ଆଇରନ୍ କରି ପୋଷାକ ପିନ୍ଧିବାର ଅନୁଭୂତି ପ୍ରାୟ ସମସ୍ତଙ୍କର ଥିବ। ତେବେ ଏହି ଆଇରନ୍ କରିବାକୁ ନେଇ ହେଉଥିବା ପ୍ରତିଯୋଗିତା ଓ ତଜ୍ଜ୍ନିତ ରୋମାଞ୍ଚର ଅନୁଭୂତିକୁ ହୁଏତ ଅନେକେ ଅଙ୍ଗେ ନିଭେଇ ନ ଥିବେ। ଏହି ପ୍ରତିଯୋଗିତାରେ ଦେଖାଇବାକୁ ପଡିଥାଏ ଅଦମ୍ୟ ସାହସ। କାରଣ ଏଥିରେ ପ୍ରତିଯୋଗୀଙ୍କୁ ବିଭିନ୍ନ ବିପଜ୍ଜନକ ସ୍ଥାନ ଯେମିତି କି କେବେ ପାଣି ଭିତରେ ତ କେବେ ପାହାଡର ଶୀର୍ଷ ଭାଗରେ, ଏମିତି କି ଗଛ ଉପରେ, ସର୍ଫିଂ କରିବା ସମୟରେ, ତୁଷାରାଚ୍ଛନ ଅଞ୍ଚଳରେ, ଚଳନ୍ତା ଗାଡି ଉପରେ ପୋଷାକ ଆଇରନ୍ କରିବାକୁ ହୋଇଥାଏ। ଏହି ପ୍ରତିଯୋଗିତାଟି ପରିଚିତ ‘ଏକ୍ସଟ୍ରିମ୍ ଆଇରନିଂ ଚାମ୍ପିୟନଶିପ୍’ଭାବେ। ଉକ୍ତ ପ୍ରତିଯୋଗିତା ୧୯୯୭, ୟୁକେର ଲିସେଷ୍ଟରରେ ପ୍ରଥମେ ଆରମ୍ଭ ହୋଇଥିଲା। ଏଥିରେ ପ୍ରତିଯୋଗୀଙ୍କୁ ସ୍କୁବା ଡାଇଭିଂ, ରକ୍ କ୍ଲାଇମ୍ବିଂ ଭଳି କଳାରେ ନିପୂଣ ହେବା ସହ ଆଇରନ୍ କରିବା ଜାଣିବା ଜରୁରୀ। ଏଥିରେ ବିପଦ ସହ ରୋମାଞ୍ଚ ଭରି ରହିଥାଏ।