ପୁରୀ ଅଫିସ,୨୪ା୨: ଧର୍ମକୁ ନେଇ ଅନେକ ରାଜନୀତି କରୁଛନ୍ତି। କୌଣସି ଧାର୍ମିକ ପ୍ରସଙ୍ଗକୁ ଇସ୍ୟୁ କରିଦେଲେ ରାଜନୀତିରେ ସଫଳତା ମିଳିଯିବ ବୋଲି ଅନେକଙ୍କ ମାନସିକତା ରହିଛି। କିନ୍ତୁ ତାହା ନୁହେଁ। ଧର୍ମନିରପେକ୍ଷ ଭାରତ ହିଁ ସମସ୍ତଙ୍କର ଲକ୍ଷ୍ୟ ରହିବା ଉଚିତ। ଏଭଳି କ୍ଷେତ୍ରରେ ହଠାତ୍ ଦିନେ ଜଣେ ସାଧାରଣ ମଣିଷ ପାଖରେ ପହଞ୍ଚତ୍ଛନ୍ତି ଯମରାଜ। ସମ୍ପୃକ୍ତ ବ୍ୟକ୍ତି ଜଣେ ହିନ୍ଦୁ। କିନ୍ତୁ ହିନ୍ଦୁମାନେ ଖାଉ ନ ଥିବା ମାଂସ ସେ ଖାଉଥିଲେ। ଏଭଳି ବ୍ୟତିକ୍ରମ ଦେଖି ଯମରାଜ ତାଙ୍କୁ ପାପୀ ବୋଲି କହିଲେ। ତୁମର ଆଉ ବଞ୍ଚତ୍ବାର ଅଧିକାର ନାହିଁ, ତୁମକୁ ମରିବାକୁ ପଡ଼ିବ। ଏହାଶୁଣି ଲୋକଟି ଡରିଗଲା। ମାଂସ ଖାଉଥିଲେ ବି ତାର ଧର୍ମ ନଷ୍ଟ ହୋଇନାହିଁ ବୋଲି କିପରି ନିଜକୁ ପ୍ରମାଣିତ କରିବ ଲୋକଟି ଚିନ୍ତାରେ ପଡିଗଲା। ଯମରାଜ ମୃତ୍ୟୁ ପୂର୍ବରୁ ତାଙ୍କୁ ତାଙ୍କର ଶେଷ ଇଚ୍ଛା କ’ଣ ବୋଲି ପଚାରିଲେ। ଲୋକଟି କହିଲା ଧର୍ମନିରପେକ୍ଷ ଭାରତ ବର୍ଷରେ ମୁଁ ମରିବାକୁ ଚାହେଁ। ଯଦି ମତେ ମାରିବାକୁ ଚାହୁଁଛ ତେବେ ପ୍ରଥମେ ଭାରତକୁ ଧର୍ମନିରପେକ୍ଷ ରାଷ୍ଟ୍ର କର। ହେଲେ ଏଥିରେ ଯମରାଜ ଅସର୍ମଥ ହେଲେ ଏବଂ ହାରିଗଲେ। ଲୋକଟିକୁ ମାରିପାରିଲେ ନାହିଁ। ଏମିତି ଏକ କାହାଣୀ ଉପରେ ପର୍ଯ୍ୟବସିତ ବଙ୍ଗଳା ଚଳଚ୍ଚିତ୍ର ‘ଏକ୍ ଜେ ଚିଲୋ ଯମ’ ପ୍ରଦର୍ଶିତ ହୋଇଥିଲା ବାଏ ଅଫ୍ର ତୃତୀୟ ସନ୍ଧ୍ୟାରେ। ଶର୍ମି ପାଣ୍ଡେଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ର ଧର୍ମନିରପେକ୍ଷ ଭାରତର ବାର୍ତ୍ତା ଦେଇଥିଲା। ଧର୍ମକୁ ନେଇ କେହି ରାଜନୀତି ନ କରନ୍ତୁ। ଭାରତ ଭଳି ଏକ ଶାନ୍ତିପ୍ରିୟ ଦେଶରେ ସମସ୍ତେ ନିଜ ଧର୍ମକୁ ନେଇ ଆଗକୁ ବଢନ୍ତୁ ବୋଲି ବ୍ୟଙ୍ଗାତ୍ମକ ଚଳଚ୍ଚିତ୍ର ‘ଏକ୍ ଜେ ଚିଲୋ ଯମ’ରେ ଦର୍ଶାଯାଇଥିଲା। ଏହାବ୍ୟତୀତ ତୃତୀୟ ସନ୍ଧ୍ୟାରେ କଫିନ, ଡୁବୁରୀ, କ୍ଷଣିକ, ପ୍ରତିବିମ୍ବ ପ୍ରଭୃତି ଚଳଚ୍ଚିତ୍ରର ସ୍କ୍ରିନିଂ କରାଯାଇଥିଲା।