ନୂଆଦିଲ୍ଲୀ,୩। ୫: ଏଚ୍୧ ବି ଭିଜା ଏବଂ ଗ୍ରୀନ କାର୍ଡଧାରୀଙ୍କ ଲାଗି ଆଶ୍ୱସ୍ତି । ଏ କ୍ଷେତ୍ରରେ ବ୍ୟକ୍ତି ବିଶେଷଙ୍କୁ ଦସ୍ତାବିଜ ଦାଖଲ କରିବା ନେଇ ୬୦ ଦିନ ସମୟ ପ୍ରଦାନ କରାଯାଇଛି। ୟୁନାଇଟେଡ ଷ୍ଟେଟସ୍ ସିଟିଜେନଶିପ ଆଣ୍ଡ ଇମିଗ୍ରେସନ ସର୍ଭିସେସ୍ (ୟୁଏସ୍ସିଆଇସି) ପକ୍ଷରୁ ଏ ସଂକ୍ରାନ୍ତରେ ଘୋଷଣା କରାଯାଇଛି। ଆବଶ୍ୟକୀୟ ଦସ୍ତାବିଜ ଦାଖଲ କରିବା ଲାଗି ଆମେରିକା ନୋଟିସ ଜାରି କରିଥିଲା। କୋଭିଡ୍ ଯୋଗୁ ଲୋକମାନେ ଏବେ ଫସି ରହିଥିବାରୁ ଦସ୍ତାବିଜ ପ୍ରଦାନ କରିବାକୁ ବିଭିନ୍ନ ଅସୁବିଧା ସାମ୍ନା କରୁଛନ୍ତି। କୋଭିଡ୍-୧୯ ଯୋଗୁ ଆମେରିକା ଅର୍ଥ ବ୍ୟବସ୍ଥା ଗଭୀର ଭାବେ କ୍ଷତିଗ୍ରସ୍ତ ହୋଇଥିବା ବେଳେ ପ୍ରାୟ ୧୦ ଲକ୍ଷରୁ ଉର୍ଦ୍ଧ୍ୱ ବ୍ୟକ୍ତି ସଂକ୍ରମିତ ହୋଇଛନ୍ତି।