ରଣପୁର/ଟାଙ୍ଗୀ(ଖୋର୍ଦ୍ଧା)୧୫ା୭(ସ୍ବ.ପ୍ର./ଡି.ଏନ୍.ଏ.)-ରିଜର୍ଭ ବ୍ୟାଙ୍କ ଏଣିକି ଚିରାଫଟା, କଲମରେ ଲେଖା ଯାଇଥିବା, ଜରିପଡିଥିବା ନୋଟ୍କୁ ବ୍ୟବହାର ଅନୁପଯୋଗୀ ବୋଲି ଘୋଷଣା କରୁଥିବାବେଳେ ଏଟିଏମ୍ରୁ ଏଭଳି ଟଙ୍କା ବାହାରିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ନୟାଗଡ଼ ଜିଲା ଚାନ୍ଦପୁର ଅଞ୍ଚଳରେ ରବିବାର ଏପରି ଏକ ଘଟଣା ଦେଖିବାକୁ ମିଳିଛି। ପ୍ରକାଶ ଯେ, ଚାନ୍ଦପୁର ଥାନା ଆଗରେ ଇଣ୍ଡିକ୍ୟାଶ ଏଟିଏମ୍ ରହିଛି। ସ୍ଥାନୀୟ ଅଞ୍ଚଳର ଜଣେ ଛାତ୍ରୀ ଉକ୍ତ ଏଟିଏମ୍ରୁ ୧୧ହଜାର ଟଙ୍କା ବାହାର କରିଥିଲେ। ୨୨ଟି ୫୦୦ ଟଙ୍କିଆ ନୋଟ୍ ବାହାରିଥିଲେ ହେଁ ସେଥିରୁ କେତୋଟି ଚିରା ଥିବାବେଳେ ଆଉ କେତୋଟି ପୋଡିଥିବା, ଫାଟିଥିବା ଓ କାଗଜ ପେଷ୍ଟ ହୋଇଥିବା ଦେଖିବାକୁ ମିଳିଛି। ସେହି ଏଟିଏମ୍ରୁ ଅନ୍ୟ କେତେଜଣ ଟଙ୍କା କାଢିଥିଲେ ମଧ୍ୟ ସେମାନେ ସମାନ ସମସ୍ୟାରେ ପଡିଥିଲେ। ସେଥିରୁ ବାହାରୁଥିବା ନୋଟ୍ଗୁଡିକ ଉପରେ ଷ୍ଟେଟବ୍ୟାଙ୍କର ଏଟିଏମ୍ ସ୍ଲିପ ଥିବା ଜଣାପଡିଛି।