ଆସିକା,୧୧ା୦୭ (ଡି.ଏନ୍.ଏ.)-ଏଟିଏମ୍କୁ ଟଙ୍କା ଉଠାଣ ପାଇଁ ଯାଉଥିବା ଅନଭିଜ୍ଞ ବ୍ୟକ୍ତିଙ୍କୁ ସହାୟତା କରିବା ଆଳରେ ଠକୁଥିବା ଜଣେ ବ୍ୟକ୍ତିଙ୍କୁ ମଙ୍ଗଳବାର ଆସିକା ପୋଲିସ ଗିରଫ କରିଛି। ସେ ହେଲେ ଆସିକା ଥାନା ବାବନପୁରର ସନ୍ତୋଷ ପଟ୍ଟନାୟକ। ଆସିକା ଥାନା ଇଲାକାରେ ଘଟିଥିବା ୩ ଓ ହିଞ୍ଜିଳି ଥାନା ଇଲାକାର ୨ଟି ଏଟିଏମ୍ ଠକେଇ ଘଟଣାରେ ସନ୍ତୋଷ ସମ୍ପୃକ୍ତ ଥିବା ଏସ୍ଡିପିଓ ସୂର୍ଯ୍ୟମଣି ପ୍ରଧାନ ସୂଚନା ଦେଇଛନ୍ତି। ଏହି ଘଟଣାରେ ସେ ଲକ୍ଷାଧିକ ଟଙ୍କା ଠକି ନେଇଥିଲେ। ତାଙ୍କ ପାଖରୁ ୫୯ହଜାର ଟଙ୍କା ଓ ୯ଟି ଜାଲ ଏଟିଏମ୍ କାର୍ଡ ଜବତ ହୋଇଛି। ସହାୟତା କରିବାକୁ ଯାଇ କାର୍ଡ ବଦଳ କରି ଏପରି ଠକେଇ କରୁଥିବା ତଦନ୍ତ ବେଳେ ଜଣାପଡିଛି। ଘଟଣା ସମ୍ପର୍କରେ ଆସିକା ଥାନାରେ ନଂ.୨୧୫, ୨୧୬ ଓ ୨୨୧/୧୯ରେ ୩ଟି ମାମଲା ରୁଜୁ ହୋଇଥିଲା ବେଳେ ହିଞ୍ଜିଳି ଥାନାରେ ନଂ.୧୬୬ ଓ ୧୬୭/୧୯ରେ ୨ଟି ମାମଲା ରୁଜୁ ହୋଇଛି ା ଅଭିଯୁକ୍ତଙ୍କ ବିରୋଧରେ ପୋଲିସ ପକ୍ଷରୁ ଜଣେ ଅଭ୍ୟାସଗତ ଅପରାଧୀ ଭାବେ ଚିହ୍ନଟ କରାଯାଇ ଦଣ୍ଡବିଧି ଆଇନର ୧୧୦ ଦଫାରେ ମାମଲା ରୁଜୁ କରାଯାଇ ଭଞ୍ଜନଗର ଉପଜିଲାପାଳଙ୍କ ନିକଟକୁ ଅଭିଯୋଗ ଫର୍ଦ୍ଦ ପଠାଯାଇଇଛି। ଗିରଫ ଅଭିଯୁକ୍ତଙ୍କୁ ବୁଧବାର କୋର୍ଟ ଚାଲାଣ କରାଯାଇଛି।
