ନୂଆଦିଲ୍ଲୀ,୨୦।୧୧: ଦେଶବ୍ୟାପି ଏନ୍ଆର୍ସି ଲାଗୁହେବ ବୋଲି ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ ବୁଧବାର ରାଜ୍ୟସଭାରେ ପ୍ରଶ୍ନକାଳରେ ନିଜର ଉତ୍ତର ରଖିଛନ୍ତି। ଧର୍ମ ବର୍ଣ୍ଣ ନିର୍ବିଶେଷରେ ସଭିଏଁ ଏନ୍ଆର୍ସି ଅନ୍ତର୍ଭୁକ୍ତ ହେବେ ବୋଲି ଶାହ କହିଛନ୍ତି। ଭାରତ ସବୁ ଧର୍ମର ଲୋକଙ୍କୁ ଏଥିରେ ସାମିଲ୍ କରାଯିବ। ଭାରତର ନାଗରିକ ହୋଇଥିବା ସମସ୍ତ ଧର୍ମର ଲୋକେ ଏଥିରେ ଅନ୍ତର୍ଭୁକ୍ତ ହେବେ। ଧର୍ମ ଆଧାରରେ ଏଥିରେ ଭେଦଭାବ କରାଯିବାର କୌଣସି ପ୍ରଶ୍ନ ନାହିଁ ବୋଲି ସେ କହିଛନ୍ତି। ତେବେ ଏହାକୁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ବିରୋଧ କରିଛନ୍ତି। ସେ କହିଛନ୍ତି ଏନ୍ଆର୍ସି ତାଙ୍କ ରାଜ୍ୟରେ ଲାଗୁହେବ ନାହିଁ। ତାଙ୍କ ରାଜ୍ୟରେ ଏଭଳି ରାଜନୀତିକୁ ପ୍ରଶୟ ଦିଆଯିବ ନାହିଁ ବୋଲି ମମତା କହିଛନ୍ତି। ଭାଜପା ସରକାର ଏଭଳି କରି ଲୋକଙ୍କ ମଧ୍ୟରେ ଭେଦଭାବ ସୃଷ୍ଟି କରିବାର ଉଦ୍ୟମ କରୁଥିବା ସେ କହିଛନ୍ତି।