ଏଫଏମ୍ ସ୍ବୟଂଶାସିତ କଲେଜ: ପ୍ରକାଶ ପାଇଲା ସ୍ନାତକ, ସ୍ନାତକୋତ୍ତର ପରୀକ୍ଷା ଫଳ
21 ବାଲେଶ୍ୱର ଅଫିସ, ୧୧।୬- ବାଲେଶ୍ୱର ଫକୀରମୋହନ ସ୍ବୟଂଶାସିତ ମହାବିଦ୍ୟାଳୟର ସ୍ନାତକ ଓ ସ୍ନାତକୋତ୍ତର ପରୀକ୍ଷା ଫଳ ସୋମବାର ପ୍ରକାଶ ପାଇଛି। ଚଳିତ ଶିକ୍ଷାବର୍ଷରେ ଯୁକ୍ତ ୩ କଳା, ବାଣିଜ୍ୟ ଓ ବିଜ୍ଞାନରେ ମୋଟ ୮୨୨ଜଣ ପରୀକ୍ଷା ଦେଇଥିଲେ। ପ୍ରଥମ ଶ୍ରେଣୀରେ ମୋଟ ୪୯୮ଜଣ, ଦ୍ୱିତୀୟ ଶ୍ରେଣୀରେ ୨୦୯ଜଣ ଓ ତୃତୀୟ ଶ୍ରେଣୀରେ ୩୮ଜଣ ଛାତ୍ରୀଛାତ୍ର ମୋଟ ୭୭୦ଜଣ ଉତ୍ତୀର୍ଣ୍ଣ ହୋଇଛନ୍ତି। ଚଳିତବର୍ଷ ପାସ୍ ହାର ୯୪ ଶତକଡ଼ା ରହିଛି।
କଳା ବିଭାଗର ଅର୍ଥନୀତିରେ ରଶ୍ମିତା ବେହେରା, ଶିକ୍ଷାରେ ଓମ୍ ସ୍ବରୂପ ତ୍ରିପାଠୀ, ଇଂରାଜୀରେ ମନିକା ସାହା, ଇତିହାସରେ ଆଶିଷ କୁମାର, ଓଡ଼ିଆରେ ଜୟଦେବ ଗିରି, ଦର୍ଶନରେ ଲୋପାମୁଦ୍ରା ପତି, ସଂସ୍କୃତରେ ସୁସ୍ମିତା ନାୟକ, ରାଜନୀତି ବିଜ୍ଞାନରେ ମାସୁମ ପ୍ରିୟଦର୍ଶନୀ ବେହେରା, ହିନ୍ଦୀରେ ମାସକୁଦା ବାନୁ ବେଗମ୍, ମନସ୍ତତ୍ତ୍ୱରେ ଶତାଦ୍ଦୀ ଦାସଅଧିକାରୀ, ସମାଜ ବିଜ୍ଞାନରେ ମୁବାସିର ରୁକ୍ ସାନା, ଉର୍ଦ୍ଦୁରେ ଫର୍ଜନା ଖଶତୁନ୍, ନୃତତ୍ତ୍ୱରେ ଆରତୀ ସ୍ବାଇଁ ଓ ଭୂଗୋଳରେ ସତ୍ୟ ପ୍ରକାଶ ଭଞ୍ଜ ପ୍ରଥମ ସ୍ଥାନ ଅଧିକାର କରିଛନ୍ତି। ସେହିପରି ବିଜ୍ଞାନ ବିଭାଗର ଉଦ୍ଭିଦ ବିଜ୍ଞାନରେ ପ୍ରୀତିସୁଧା ମହାପାତ୍ର, ରସାୟନ ବିଜ୍ଞାନରେ ଚିନ୍ମୟ କୁମାର ରଣା, କମ୍ପ୍ୟୁଟର ବିଜ୍ଞାନରେ ଶ୍ୱେତା ମହାପାତ୍ର, ଗଣିତରେ ଅକ୍ଷୟ କୁମାର ଜେନା, ପଦାର୍ଥ ବିଜ୍ଞାନରେ ଅସୀମା ବାରିକ୍, ପ୍ରାଣୀ ବିଜ୍ଞାନରେ ପ୍ରଜ୍ଞା ପାରମିତା ଦାଶ ଏବଂ ଭୂତତ୍ତ୍ୱରେ ଶ୍ରୁତିରଞ୍ଜନ ପ୍ରହରାଜ ପ୍ରଥମ ସ୍ଥାନ ଅଧିକାର କରିଛନ୍ତି। ସେହିପରି ବିବିଏରେ ଇନ୍ଦ୍ର ମହାପାତ୍ର ପ୍ରଥମ ସ୍ଥାନ ଅଧିକାର କରିଛନ୍ତି। ଏଥିସହିତ ବାଣିଜ୍ୟ ବିଭାଗରେ ୫୧ଜଣ ପରୀକ୍ଷାର୍ଥୀଙ୍କ ମଧ୍ୟରୁ ପ୍ରଥମ ସ୍ଥାନରେ ୪୭, ଦ୍ୱିତୀୟ ଶ୍ରେଣୀରେ ଜଣେ ଉତ୍ତୀର୍ଣ୍ଣ ହୋଇଛି।
ସେହିପରି ସ୍ନାତକୋତ୍ତର ବିଭାଗର ଗଣିତରେ ୨୦ଜଣ ପରୀକ୍ଷାର୍ଥୀଙ୍କ ମଧ୍ୟରୁ ୧୫ଜଣ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି। ସେମାନଙ୍କ ମଧ୍ୟରୁ ରୁଚିସ୍ମିତା ଦାସ ପ୍ରଥମ ସ୍ଥାନ ଅଧିକାର କରିଛନ୍ତି। ଓଡ଼ିଆ ବିଭାଗରେ ୨୮ଜଣ ପରୀକ୍ଷାର୍ଥୀଙ୍କ ମଧ୍ୟରୁ ସମସ୍ତେ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇଥିବା ବେଳେ ଯୁଗ୍ମ ଭାବେ ପ୍ରଥମ ସ୍ଥାନ ହାସଲ କରିଛନ୍ତି ଚିନ୍ମୟ ଧଳ ଓ ଜ୍ୟୋତିର୍ମୟ ପୂଜାରୀ। ପଦାର୍ଥ ବିଜ୍ଞାନରେ ୧୧ଜଣ ଛାତ୍ରୀଛାତ୍ର ପରୀକ୍ଷା ଦେଇଥିବା େବେଳ ସମସ୍ତେ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି। ରୋଜାଲିନ ପାତ୍ର ପ୍ରଥମ ହୋଇଛନ୍ତି। ରାଜନୀତି ବିଜ୍ଞାନରେ ୨୯ଜଣ ଛାତ୍ରୀଛାତ୍ର ପରୀକ୍ଷା ଦେଇଥିବା ବେଳେ ପ୍ରଥମ ଶ୍ରେଣୀରେ ୨୪ ଓ ଦ୍ୱିତୀୟ ଶ୍ରେଣୀରେ ୪ଜଣ ଉତ୍ତୀର୍ଣ୍ଣ ହୋଇଛନ୍ତି। ସେମାନଙ୍କ ମଧ୍ୟରୁ ସରୋଜ କୁମାର ବେହେରା ପ୍ରଥମ ସ୍ଥାନ ଅଧିକାର କରିଛନ୍ତି।