ମୁମ୍ବାଇ: ବିକ୍ରମ୍ ଗୋଖ୍ଲେଙ୍କ ମରାଠୀ ଚଳଚ୍ଚିିତ୍ର ‘ଏବି ଆନି ସିଡ଼ି’ରେ ମେଗାଷ୍ଟାର୍ ଅମିତାଭ ବଚ୍ଚନଙ୍କୁ ଦେଖିବାକୁ ମିଳିବ। ଏଥିରେ ସେ ଜଣେ ଅତିଥି କଳାକାରଭାବେ ଅଭିନୟ କରିବେ। ଚଳଚ୍ଚିତ୍ରଟି ମିଲିନ୍ଦ୍ ଲେଲେଙ୍କ ଦ୍ୱାରା ଲିଖିତ ଓ ନିର୍ଦ୍ଦେଶିତ। ଅମିତାଭ ଏଥିରେ ଜଣେ ମେଗାଷ୍ଟାର୍ ଚରିତ୍ରରେ ମାତ୍ର ୧୫ ମିନିଟ୍ ଅଭିନୟ କରିବେ ବୋଲି ପ୍ରଯୋଜକ ଅକ୍ଷୟ ବାର୍ଦାପୁର୍କର୍ ପ୍ରକାଶ କରିଛନ୍ତି। ଗୋଖଲେ ଏନେଇ ଅମିତାଭ୍ଙ୍କ ସ୍ବୀକୃତି ଆଣିସାରିଥିବା ସେ କହିଛନ୍ତି। ତାଙ୍କୁ ଭେଟିବା ପରେ ସେ ତତ୍କ୍ଷଣାତ୍ ଆମ ସହ ଯୋଡ଼ିହେବାକୁ ରାଜିହୋଇ ଯାଇଥିଲେ ବୋଲି ବାର୍ଦାପୁର୍କର୍ ପ୍ରକାଶ କରିିଛନ୍ତି। ଚଳଚ୍ଚିତ୍ରଟିରେ ବଚ୍ଚନ ଓ ଗୋଖଲେ ପିଲାଦିନର ସାଙ୍ଗଭାବେ ଦେଖାଦେବେ। ଦୀର୍ଘ ୭୦ ବର୍ଷ ପରେ ଏକ ବାର୍ଥ ଡେ’ ପାର୍ଟିରେ ସେମାନଙ୍କ ମଧ୍ୟରେ ସାକ୍ଷାତ ହୁଏ। ଫିିଲ୍ମ ଟାଇଟଲ୍କୁ ନେଇ ବାର୍ଦାପୁର୍କର୍ କହିଛନ୍ତି ଯେ, ‘ଏବି’ ମାନେ ଅମିତାଭ୍ ବଚ୍ଚନ ଓ ‘ସିଡିି’ମାନେ ଗୋଖ୍ଲେଙ୍କ ଚରିତ୍ର ଚନ୍ଦ୍ରକାନ୍ତ ଦେଶପାଣ୍ଡେଙ୍କ ନାମରେ ନାମିତ। ଏହି କମେଡ଼ି ଡ୍ରାମାଯୁକ୍ତ ଚଳଚ୍ଚିତ୍ରଟି ଚଳିତବର୍ଷ ଡିସେମ୍ବରରେ ମୁକ୍ତିଲାଭ କରିବ। ପ୍ରକାଶଥାଉ କି, ପୂର୍ବରୁ ଅମିତାଭ୍ ଓ ଗୋଖ୍ଲେ ଏକାଠି ମିଶି ‘ଅଗ୍ନିପଥ’ ଓ ଖୁଦା ଗଓ୍ବା’ ଚଳିଚ୍ଚିତ୍ର କରିଥିଲେ।