ନୂଆଦିଲ୍ଲୀ,୩୦।୮: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ୧୨ ଜଣ ଆୟୁଷ ବିଶେଷଜ୍ଞଙ୍କ ନାଁରେ ଡାକ ଟିକେଟ ଜାରି କରିଛନ୍ତି। ଦିଲ୍ଲୀର ବିଜ୍ଞାନ ଭବନରେ ଆୟୁର୍ବେଦ ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେବା ସମୟରେ ସେ ଏହି ଡାକ ଟିକେଟ ଜାରି କରିଛନ୍ତି। ଏହି ଅବସରରେ ମୋଦି କହିଥିଲେ ଆୟୁଷ ଓ ଯୋଗ ସହ ଯୋଡି ହୋଇଥିବା କାର୍ଯ୍ୟକ୍ରମକୁ ଆସିବା ଏକ ଅଦ୍ଭୁତ ସଂଯୋଗ। ଗୋଟିଏ ଦିନ ପୂର୍ବରୁ ଫିଟ୍ ଇଣ୍ଡିଆ ମୁଭ୍ମେଣ୍ଟର ଉଦ୍ଘାଟନ କରିଥିବା ବେଳେ ଏବେ ହରିୟାଣାରେ ୧୦ଟି ଆୟୁଷ ଓ୍ବେଲନେସ୍ ସେଣ୍ଟରର ଉଦ୍ଘାଟନ କରାଯାଇଛି। ତେଣୁ ଏହା ଭାରତୀୟଙ୍କୁ ସୁସ୍ଥତାର ମନ୍ତ୍ର ଦେଉଛି ବୋଲି ସେ କହିଥିଲେ। ଏହି ଅବସରରେ ମୋଦି କିହିଛନ୍ତି, ଏପର୍ଯ୍ୟନ୍ତ ନେତା କିମ୍ବା ଟେଲିଭିଜନ ପରଦାରେ ଦେଖାଯାଉଥିବା ବ୍ୟକ୍ତି ବିଶେଷଙ୍କର ଡାକ ଟିକେଟ ଉଦ୍ଘାଟନ କରାଯାଉଥିଲା। ହେଲେ ଏବେ ଯେଉଁମାନେ ଜୀବନର ଅଧିକାଂଶ ସମୟ ଭଲ କାମ ପାଇଁ ଦେଇଛନ୍ତି ସେହିଭଳି ବ୍ୟକ୍ତିଙ୍କ ଉପରେ ଡାକ ଟିକେଟ ଜାରି କରାଯିବ।