ବ୍ରହ୍ମପୁର ଅଫିସ ,୧୦।୪: କରୋନା ଭାଇରସ ଆତଙ୍କ ଏବେ ସାରା ବିଶ୍ୱକୁ ବ୍ୟାପିବାରେ ଲାଗିଛି। ଏଡାର ମୁକାବିଲା ଲାଗି ସରକାର ସାରା ଦେଶରେ ଲକ୍ ଡାଉନ ଜାରି କରିଛନ୍ତି। ଅନ୍ୟପଟେ ଦିନକୁ ଦିନ କରୋନା ପୋଜେଟଭ ବୃଦ୍ଧି ପାଇବାରେ ଲାଗିଛି। ଶୁକ୍ରବାର ଏମ୍କେସିଜି ମେଡିକାଲରେ ୩ କରୋନା ସନ୍ଦିଗ୍ଧ ଭର୍ତ୍ତି ହୋଇଛନ୍ତି । ସେମାନଙ୍କ ମଧ୍ୟରେ ଭଞ୍ଜନଗର ଅଞ୍ଚଳର ଜଣେ, ଗଜପତିର ଜଣେ ଓ ଗୋଳନ୍ଥରାର ଜଣେ ରହିଛନ୍ତି। ସେମାନଙ୍କ ସ୍ବାବ ଟେଷ୍ଟ ପାଇଁ ଭୁବନେଶ୍ୱର ଆର୍ଏମ୍ଆର୍ସିକୁ ପଠାଯାଇଥିବା ମେଡିକାଲ ଅଧିକ୍ଷକ ପ୍ରଫେସର ଡ. ସନ୍ତୋଷ କୁମାର ମିଶ୍ର କହିଛନ୍ତି । ସେହିପରି ପୂର୍ବରୁ ମେଡିକାଲର କରୋନା ୱାର୍ଡରେ ଚିକିତ୍ସିତ ହେଉଥିବା ୩ ସନ୍ଦିଗ୍ଧଙ୍କ ସ୍ବାବ ଟେଷ୍ଟ ରିପୋର୍ଟ ଏବେ ସୁଦ୍ଧା ଆସି ନାହିଁ।
ଗତ ମାର୍ଚ୍ଚ ୧୩ ତାରିଖରୁ ଏମ୍କେସିଜି ମେଡିକାଲରେ କରୋନା ୱାର୍ଡରେ ଭର୍ତ୍ତି ହୋଇଥିବା ସମସ୍ତ ସନ୍ଦିଗ୍ଧଙ୍କ ସ୍ବାବ ଟେଷ୍ଟ ରିପୋର୍ଟ ନେଗେଟିଭ ଆସିବା ପରେ ସେମାନଙ୍କୁ ମେଡିକଲରୁ ଡିସ୍ଚାର୍ଜ କରାଯାଇବା ଅଧିକ୍ଷକ ମିଶ୍ର ସୂଚନା ଦେଇଛନ୍ତି । ଏବେ ମେଡିକାଲର କରୋନା ୱାର୍ଡରେ ୬ ଜଣ ବ୍ୟକ୍ତି ଚିକିତ୍ସିତ ହେଉଛନ୍ତି ।
