ବିଶ୍ୱର ପ୍ରତ୍ୟେକ ଦେଶରେ କିଛି ନା କିଛି ରହସ୍ୟ ରହିଛି। ପ୍ରତ୍ୟେକ ଦିଶ ନିଜ ଚାଲିଚଳଣି, ପରମ୍ପରାକୁ ନେଇ ସ୍ବତନ୍ତ୍ର ପରିଚୟ ସୃଷ୍ଟି କରିଥାଏ। ସେହିପରି ବ୍ରୁନେଇ ଏମିତି ଏକ ଦେଶ, ଯେଉଁଠାରେ ଅଜବ ନୀତି ନିୟମ ତଥା ପ୍ରଥା ରହିଛି। ଇଣ୍ଡୋନେସିଆ ନିକଟରେ ଅବସ୍ଥିତ ଏହି ଦେଶରେ ରାଜତନ୍ତ୍ର ବର୍ତ୍ତମାନ ମଧ୍ୟ କାର୍ଯ୍ୟ କରୁଛି, ଅର୍ଥାତ୍ ଏଠାରେ ରାଜାଙ୍କ ଶାସନ ଚାଲିଥାଏ। ଅନ୍ୟାନ୍ୟ ଦେଶ ପରି ଏହି ଦେଶ ମଧ୍ୟ ବ୍ରିଟିଶମାନଙ୍କର ଅଧୀନରେ ରହିଥିଲା। ୧୯୮୪ ଜାନୁୟାରୀ ୧ରେ ସ୍ବାଧୀନତା ଲାଭ କରିଥିଲା। ଏହି ଦେଶରେ ଅଦ୍ଭୁତ ଦୃଶ୍ୟ ଦେଖିବାକୁ ମିଳିଥାଏ। ଘର କାନ୍ଥରେ ସ୍ତ୍ରୀଙ୍କ ଫଟୋ ରଖିବା ବାଧ୍ୟତାମୂଳକ ଭଳି ପ୍ରଥା ଏଠାରେ ଚଳିଆସୁଛି। କେତେକ ଲୋକଙ୍କ ଘର କାନ୍ଥ ବା ପ୍ରାଚୀରରେ ଏକରୁ ଅଧିକ ସ୍ତ୍ରୀଙ୍କ ଫଟୋ ଲଗାଯାଇଥିବାର ମଧ୍ୟ ଦେଖାଯାଏ। ଏହା ବ୍ୟତୀତ କାନ୍ଥରେ ସୁଲତାନଙ୍କ ଚିତ୍ର ମଧ୍ୟ ଦେଖିବାକୁ ମିଳିଥାଏ। କେବଳ ଏତିକି ନୁହେଁ, ଏଠାକାର ଲୋକମାନେ ରାସ୍ତାରେ ଯିବାବେଳେ କିଛି ଖାଇବା ପିଇବା କରନ୍ତି ନାହିଁ। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଏଠାକାର ଲୋକେ ଫାଷ୍ଟଫୁଡ୍ ଖାଇବାକୁ ପସନ୍ଦ କରନ୍ତି ନାହିଁ। ସର୍ବସାଧାରଣ ସ୍ଥାନରେ ମଦ ପିଇବା ମଧ୍ୟ ନିଷେଧ।
ଏକ ରିପୋର୍ଟ ଅନୁଯାୟୀ, ଏଠାରେ ଅଧିକାଂଶ ଲୋକଙ୍କ ପାଖରେ କାର୍ ରହିଛି। ପ୍ରାୟ ୧ ହଜାର ଲୋକଙ୍କ ପାଖରେ ୭୦୦କାର୍ ଅଛି। ପ୍ରକୃତପକ୍ଷେ ଏଠାକାର ଲୋକଙ୍କ ନିକଟରେ ଅଧିକ କାର୍ ରହିବାର କାରଣ ହେଲା ଏଠାରେ ତେଲ ମୂଲ୍ୟ ବହୁତ କମ୍।