ବର୍ଲିନ୍: ବିଶ୍ୱର ବିଭିନ୍ନ ଦେଶରେ ଭିନ୍ନ ଭିନ୍ନ ନୀତି ନିୟମ ପ୍ରଚଳନ ହୋଇଥାଏ। ଏହି ଦେଶଗୁଡ଼ିକ ମଧ୍ୟରୁ ଜର୍ମାନୀ ଅନ୍ୟତମ। ଏହା ଏମିତି ଏକ ଦେଶ, ଯାହାର ଏକଛତ୍ରବାଦୀ ଶାସକ ହିଟଲର ଥିଲେ। ଯେଉଁ କାରଣରୁ ଦ୍ୱିତୀୟ ବିଶ୍ୱଯୁଦ୍ଧ ହୋଇଥିଲା। ଯଦିଓ ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଏହି ଦେଶ ସମ୍ପୂର୍ଣ୍ଣ ଦେବାଳିଆ ହୋଇଯାଇଥିଲା କିନ୍ତୁ ଆଜି ଏହାକୁ ବିଶ୍ୱର ୧୦ଟି ଶକ୍ତିଶାଳୀ ଦେଶ ମଧ୍ୟରେ ଗଣନା କରାଯାଉଛି। ଆଜିର ଇଞ୍ଜିନିୟରିଂ କ୍ଷେତ୍ରରେ ସମଗ୍ର ବିଶ୍ୱରେ ଯଦି ପ୍ରଥମେ କେଉଁ ଦେଶର ନାମ ଆସୁଥାଏ ତେବେ ତାହା ନିଶ୍ଚିତ ଜର୍ମାନୀ।
ଏହି ଦେଶ ସହିତ ଜଡ଼ିତ ଆହୁରି ଅନେକ କୌତୁହଳପୂର୍ଣ୍ଣ କଥା ରହିଛି। ଯାହା ସମ୍ପର୍କରେ ଜାଣିଲେ ଆଶ୍ଚର୍ଯ୍ୟ ହେବେ। ଜର୍ମାନୀ ହେଉଛି ଏମିତି ଏକ ଦେଶ, ଯେଉଁଠାରେ ରାଜପଥରେ ଦ୍ରୁତ ବେଗରେ ବିନା ଦ୍ୱିଧାରେ ଗାଡ଼ି ଚଳାଇ ପାରିବେ। ଏଥିପାଇଁ କୌଣସି ଦଣ୍ଡବିଧାନ ନାହିଁ। କିନ୍ତୁ ଯଦି ରାସ୍ତା ମଝିରେ ଗାଡ଼ିରୁ ତେଲ ସରିଯାଏ ତେବେ ଏହାକୁ ଅପରାଧ ବୋଲି ଧରାଯାଏ। ଏଥିପାଇଁ ଜେଲଦଣ୍ଡ ଏବଂ ଜରିମାନା ଦେବାକୁ ପଡ଼ିଥାଏ। ଖାଲି ଏତିକି ନୁହେଁ, ଏହି ଦେଶରେ କେହି ଆଡ୍ଭାନ୍ସଡ୍ ଜନ୍ମଦିନର ଶୁଭେଚ୍ଛା ଜଣାନ୍ତି ନାହିଁ। ଏପରି କଲେ ଏହାକୁ ଅଶୁଭ ବୋଲି ବିବେଚନା କରାଯାଇଥାଏ। ଜନ୍ମଦିନରେ ହିଁ ଶୁଭେଚ୍ଛା ଜଣାଇବାକୁ ପଡ଼ିଥାଏ। ସାଧାରଣତଃ ଫୋନ୍ କଲେ ଲୋକେ ହ୍ୟାଲୋ କହିଥାନ୍ତି ମାତ୍ର ଏଠାରେ ହ୍ୟାଲୋ କହିବା ମନା। ନିଜ ନାମ କହି ଫୋନ୍ କରିବାକୁ ପଡ଼େ। ଏହି ଦେଶ ସମ୍ପର୍କରେ ଆହୁରି ଅନେକ କୌତୂହଳପୂର୍ଣ୍ଣ କଥା ରହିଛି।
