ଉଦଳା,୯ା୩(ଡ଼ି.ଏନ୍.ଏ)- ମୃତ୍ୟୁ କେତେବେଳେ କେମିତି ଆସେ ତାହା କହି ହୁଏ ନାହିଁ। ରାଜ୍ୟ ବାହାରେ ଝାଡଖଣ୍ଡର ଧାନବାଦରେ ରହି ଇଞ୍ଜିନିୟରିଂ ପାଠ ପଢୁଥିବା ମୟୂରଭଞ୍ଜ ଜିଲା ଉଦଳା ଅଞ୍ଚଳର ଶ୍ରୀବେଦା ଶୁଭଦର୍ଶିନୀ (୨୫) ନାମ୍ନୀ ଜଣେ ଛାତ୍ରୀ ହୋଲି ଉତ୍ସବ ମନାଇବାକୁ ଶନିବାର ଘରକୁ ଆସିଥିଲେ। ରବିବାର ସନ୍ଧ୍ୟାବେଳେ ସେ ଖୁସିରେ ସାଇକେଲ ଚଳାଉଥିଲେ। ଉଦଳା-ବାରିପଦା ରାସ୍ତାର ମଧୁପୁର ଛକ ନିକଟରେ ଏକ ବାଇକ୍ ତାଙ୍କୁ ଧକ୍କା ଦେଇଥିଲା। ଏଥିରେ ସେ ଗୁରୁତର ଆହତ ହୋଇଥିତ୍ଲେ। ତାଙ୍କୁ ଉଦଳା ଡାକ୍ତରଖାନା ନିଆଯିବା ପରେ ଡାକ୍ତର ମୃତ ଘୋଷଣା କରିଥିଲେ। ମୃତ୍ୟୁ ଖବର ପହଞ୍ଚିବା ପରେ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା।
ଉଦଳା ମାଉସୀ ମା’ ମନ୍ଦିର ନିକଟରେ ରହୁଥିବା ଦୋଳମଣି ପୁହାଣଙ୍କ ଝିଅ ଶ୍ରୀବେଦା ଶୁଭଦର୍ଶିନୀ। ତାଙ୍କ ସାଇକେଲକୁ ଧକ୍କା ଲଗାଇଥିବା ମେଣ୍ଢାଖାଇ ଗ୍ରାମର ୨ ବାଇକ୍ ଆରୋହୀ ମଧ୍ୟ ଗୁରୁତର ଆହତ ହୋଇଛନ୍ତି। ଖବର ପାଇ ଉଦଳା ପୋଲିସ୍ ଘଟଣାସ୍ଥଳରେ ପହଞ୍ଚି ଦୁର୍ଘଟଣା ଘଟାଇଥିବା ବାଇକ୍କୁ ଜବତ କରିବା ସହିତ ଘଟଣାର ତଦନ୍ତ କରି ଏକ ମାମଲା ରୁଜୁ କରିଛି।ମୃତଦେହକୁ ବ୍ୟବଚ୍ଛେଦ ପାଇଁ ପୋଲିସ ହେପାଜତରେ ରଖ୍ତ୍ଛି। ସ୍ଥାନୀୟ ଅଞ୍ଚଳ ଓ ମେଡିକାଲରେ ଏହି ଦୁର୍ଘଟଣା ନେଇ ତୀବ୍ର ଉତ୍ତେଜନା ଲାଗି ରହିଛି।