ନୂଆଦିଲ୍ଲୀ,୨୩।୯:ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆର୍ବିଆଇ) ପକ୍ଷରୁ ଗୁରୁବାର ମହିନ୍ଦ୍ରା ଏବଂ ମହିନ୍ଦ୍ରା ଫାଇନାନ୍ସିଆଲ ଲିମିଟେଡ (ଏମ୍ଏମ୍ଏଫ୍ଏସ୍ଏଲ୍)ର ଆର୍ଥିକ ସେବା ଋଣ ପୁନରୁଦ୍ଧାର କାର୍ଯ୍ୟ ପାଇଁ ୩ୟ ପକ୍ଷ ବ୍ୟବସ୍ଥାର ବ୍ୟବହାରକୁ ବନ୍ଦ କରିବାକୁ ଆରବିଆଇ ତାଗିଦ କରିବା ସହ କଡା ନିର୍ଦ୍ଦେଶ ମଧ୍ୟ ଦେଇଛନ୍ତି। ସେହିଭଳି ଆରବିଆଇର ଅଧିନିୟମ ୧୯୩୪ର ଧାରା ୪୫ଏଲ (୧)(ବି) ଅନୁଯାୟୀ ନିଜର କ୍ଷମତାକୁ ବ୍ୟବହାର କରି ଏମଏମଏଫଏସଏଲ ମୁମ୍ବାଇକୁ ତୁରନ୍ତ ଆଉଟସୋର୍ସିଂ ମାଧ୍ୟମରେ କୌଣସି ପୁନରୁଦ୍ଧାର କିମ୍ବା ପୁନଃନିର୍ମାଣ କାର୍ଯ୍ୟ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି। ଏପରିକି ବ୍ୟାଙ୍କର ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ବ୍ୟବସ୍ଥା, ନିୟାମକ ଏକ ବିବୃତିରେ କହିଛନ୍ତି। ଅବଶ୍ୟ ଉକ୍ତ ଏନବିଏଫସି ନିଜସ୍ବ କର୍ମଚାରୀଙ୍କ ମାଧ୍ୟମରେ ପୁନରୁଦ୍ଧାର କିମ୍ବା ପୁନଃନିର୍ମାଣ କାର୍ଯ୍ୟକଳାପ ଜାରି ରଖିପାରେ। ହେଲେ ଆରବିଆଇର ନିୟମାବଳୀ ମଧ୍ୟରେ ସମସ୍ତ କାର୍ଯ୍ୟ ହେବା ଆବଶ୍ୟକ ବୋଲି ବ୍ୟାଙ୍କ ପକ୍ଷରୁ କୁହାଯାଇଛି। ଉଲ୍ଲେଖଯୋଗ୍ୟ, ଝାଡଖଣ୍ଡର ହଜାରିବାଗରେ ଋଣ ଆଦାୟ ସହ ଟ୍ରାକ୍ଟର ଜବତ କରିବାକୁ ଯାଇଥିବା ଏମଏମଏଫଏସଏଲର ୩ୟ ପକ୍ଷ କର୍ମଚାରୀ (ଏଜେଣ୍ଡ) ଜଣେ ୨୭ବର୍ଷ ବୟସ୍କା ଗର୍ଭବତୀ ମହିଳାଙ୍କ ଉପରେ ଗାଡି ଚଢ଼ାଇ ଦେବା ଘଟଣାରୁ ଏଭଳି ନିଷ୍ପତ୍ତି ହୋଇଥିବା କୁହାଯାଇଛି।