ବ୍ରହ୍ମପୁର ଅଫିସ ,୧୮।୪ – ଗଞ୍ଜାମ ଜିଲା ଏମ୍କେସିଜି ମେଡିକାଲରେ ଶନିବାର ଜଣେ କରୋନା ସନ୍ଦିଗ୍ଧ ଭର୍ତ୍ତି ହୋଇଛନ୍ତି। ବ୍ରହ୍ମପୁର ରେଳଷ୍ଟେଶନ ନିକଟରୁ ତାଙ୍କୁ ପୋଲିସ ଉଦ୍ଧାର କରି ମେଡିକାଲରେ ଭର୍ତ୍ତି କରିଛନ୍ତି । ସନ୍ଦିଗ୍ଧଙ୍କ ଦେହରେ ଜ୍ୱର ଥିବା ବେଳେ ତାଙ୍କର କାଶ ମଧ୍ୟ ହେଉଛି। ସ୍ବତନ୍ତ୍ର କରୋନା ୱାର୍ଡରେ ତାଙ୍କୁ ଭର୍ତ୍ତି କରାଯାଇଛି ବୋଲି ମେଡିକାଲ ଅଧିକ୍ଷକ ପ୍ରଫେସର ଡ. ସନ୍ତୋଷ କୁମାର ମିଶ୍ର କହିଛନ୍ତ। ଉକ୍ତ ବ୍ୟକ୍ତିଙ୍କ ସ୍ବାବ୍ ନମୁନା ସଂଗ୍ରହ କରାଯାଇ ପରୀକ୍ଷା କରାଯିବ ବୋଲି ସେ କହିଛନ୍ତି। ମେଡିକାଲରେ ପୂର୍ବରୁ ୩ ଜଣ ସନ୍ଦିଗ୍ଧ ରହିଥିବା ବେଳେ ଜଣଙ୍କର ସ୍ବାବ ରିପୋର୍ଟ ନେଗେଟିଭ ଆସିବା ପରେ ତାଙ୍କୁ ଶନିବାର ମେଡିକାଲରୁ ଶନିବାର ଡିସଚାର୍ଜ କରାଯାଇଛି ବୋଲି ସେ କହିଛନ୍ତି ।
