ହିଞ୍ଜିଳିକାଟୁ,୧୩ା୬(ଡ଼ି.ଏନ୍.ଏ): ହିଞ୍ଜିଳିକାଟୁ ବ୍ଲକ ଖରିଡା ପଞ୍ଚାୟତରେ ଏମ୍ଜିଏନ୍ଆର୍ଇଜିଏସ୍ କାମକୁ ନେଇ ଉଭୟ ଗୋଷ୍ଠୀ ପକ୍ଷରୁ ଥାନାରେ ମାମଲା ହୋଇଛି। ନଂ.୧୯୬ ଓ ୧୯୭/୨୦ରେ ୨ଟି ମାମଲା ରୁଜୁ କରି ତଦନ୍ତ ଚାଲିଥିବା ଥାନା ଅଧିକାରୀ ଅଭିମନ୍ୟୁ ଦାଶ କହିଛନ୍ତି।
ଖରିଡ଼ାରେ ଏକ ପୋଖରୀ କାମ ଚାଲିଥିବାବେଳେ ଶୁକ୍ରବାର ମଧ୍ୟାହ୍ନରେ ସରପଞ୍ଚ ରଘୁନାଥ ବେହେରା ଓ ସହଯୋଗୀ ତଦାରଖ କରୁଥିଲେ। ଗ୍ରାମର କିଛି ବ୍ୟକ୍ତି ପହଞ୍ଚତ୍ ତାଙ୍କୁ ଦାଦାବଟି ମାଗିବା ସହ ଆକ୍ରମଣ କରିଥିବା ସେ ଅଭିଯୋଗ କରିଛନ୍ତି। ଅନ୍ୟପକ୍ଷରେ ଏମ୍ଜିଏନ୍ଆର୍ଇଜିଏସ୍ କାମରେ ଜେସିବି ଲଗାଇ ପୋଖରୀ ଖୋଳା ଚାଲିଥିବାବେଳେ ପ୍ରତିବାଦ କରିବାରୁ ସରପଞ୍ଚ ଓ ତାଙ୍କ ସହଯୋଗୀ ଆକ୍ରମଣ କରିଥିବା ଗ୍ରାମର ତପନ ମୁନୀ ଓ ଅନ୍ୟମାନେ ପାଲଟା ଅଭିଯୋଗ କରିଛନ୍ତି।