କଣିହାଁ,୧୨।୬(ଡି.ଏନ.ଏ.)-ଅନୁଗୋଳ ଜିଲା କଣିହାଁ ବ୍ଲକ ଅଞ୍ଚଳରେ ଥିବା କୌଣସି ହାଇସ୍କୁଲକୁ ୧୦ମ ବୋର୍ଡ ପରୀକ୍ଷା ଦେଇ ପାସ କରିଥିବା ଛାତ୍ରୀଛାତ୍ରଙ୍କ ବୋର୍ଡ ସାର୍ଟିଫିକେଟ ଆସିନାହିଁ। ଏଥିଯୋଗୁ ଯୁକ୍ତ ୨ କଲେଜରେ ନାମ ଲେଖାଇବାକୁ ଆଗ୍ରହୀ ଥିବା ଛାତ୍ରୀଛାତ୍ରଙ୍କ ସହ ସେମାନଙ୍କ ଅଭିଭାବକ ଚିନ୍ତାରେ ପଡ଼ିଛନ୍ତି। ଶିକ୍ଷା ବିଭାଗ ନିର୍ଦ୍ଦେଶକ୍ରମେ ଚଳିତ ମାସ ୬ ତାରିଖରୁ ନାମଲେଖା ପାଇଁ ଆବେଦନ ପ୍ରକ୍ରିୟା ଆରମ୍ଭ ହୋଇଥିବାବେଳେ ୨୦ ତାରିଖ ଶେଷ ଦିବସ ରହିଛି। ବିଭିନ୍ନ କଲେଜକୁ ଯୋଗାଯୋଗ କରିବା ସତ୍ତ୍ୱେ ମତାମତ ମିଳି ନ ଥିବାରୁ ଆବେଦନ କରିଥିବା ସଂଖ୍ୟା ଜଣାପ଼ଡିନାହିଁ। ତୁରନ୍ତ ମାଟ୍ରିକ୍ ପାସ ସାର୍ଟିଫିକେଟ ଯୋଗାଇ ଦେବାକୁ ଅଭିଭାବକ ସମର ବଲ୍ଲଭ ପ୍ରଧାନ, ରମେଶ ସାହୁ, ଚଗଲା ସାହୁ, ରାମଚନ୍ଦ୍ର ସାହୁ ଦାବି କରିଛନ୍ତି। ଏ ନେଇ କଣିହାଁ ପବିତ୍ରମୋହନ ହାଇସ୍କୁଲର ଶିକ୍ଷକ ସିଦ୍ଧିପ୍ରସାଦ ସାହୁ, ବଡ଼ଗୁଣ୍ଡୁରୀ ଶ୍ରୀଜଗନ୍ନାଥ ହାଇସ୍କୁଲର ପ୍ରଧାନଶିକ୍ଷକ ଗଦାଧର ସାହୁ କହିଛନ୍ତି, ସାର୍ଟିଫିକେଟ ଆସିନାହିଁ। ଜିଲା ସାରା ସମସ୍ୟା ରହିଛି। କିନ୍ତୁ ବିନା ସାର୍ଟିଫିକେଟରେ ମଧ୍ୟ ନାମ ଲେଖା ପାଇଁ ଆବେଦନ କରାଯାଇପାରିବ। ମାଟ୍ରିକ ରେଜଲ୍ଟ ସିଟ ଦାଖଲ କରିବା ଆବଶ୍ୟକ। ନାମ ଲେଖାବେଳେ ବୋର୍ଡ ସାର୍ଟିଫିକେଟ ସହିତ କଲେଜ ଚାହିଁୁଥିବା ନ୍ୟାୟତଃ ପ୍ରମାଣପତ୍ର ଦେବା ଉଚ୍ଚିତ।