ମେଲବୋର୍ନ, ୧୭।୪(ପି.ଟି.): ଅଷ୍ଟ୍ରେଲିଆର ଦୁଇ ଅମ୍ପାୟର ସିମନ ଫ୍ରାଏ ଓ ଜନ୍ ଓ୍ବାର୍ଡ ଏଲିଟ୍ ଅମ୍ପାୟାରିଂରୁ ଅବସର ନେଇଛନ୍ତି। କ୍ରିକେଟ ଅଷ୍ଟ୍ରେଲିଆ (ସିଏ) ତରଫରୁ ଏ ନେଇ ଶୁକ୍ରବାର ଘୋଷଣା କରାଯାଇଛି। ଦକ୍ଷିଣ ଅଷ୍ଟ୍ରେଲିଆର ଫ୍ରାଏ ୧୦୦ ପ୍ରଥମଶ୍ରେଣୀ, ୧୩୦ ଲିଷ୍ଟ-ଏ ଓ ୯୩ଟି ଟି୨୦ ପୁରୁଷ ମ୍ୟାଚ୍ ପରିଚାଳନା କରିଛନ୍ତି। ସେ ୪ଥର କ୍ରିକେଟ ଅଷ୍ଟ୍ରେଲିଆ ଅମ୍ପାୟାର ପୁରସ୍କାର ମଧ୍ୟ ହାସଲ କରିଛନ୍ତି।
ସେହିପରି ଭିକ୍ଟୋରିଆ ଅମ୍ପାୟର ଓ୍ବାର୍ଡ ୩୨ଟି ଟେଷ୍ଟ, ୧୮୭ଟି ପ୍ରଥମଶ୍ରେଣୀ, ୮୪ଟି ଲିଷ୍ଟ-ଏ ଓ ୧୧୭ଟି ଟ୨୦ ମ୍ୟାଚ୍ ପରିଚାଳନା କରିଛନ୍ତି। ସେ ଏଲିଟ୍ ର଼୍ୟାଙ୍କ୍ରେ ୧୯ଟି ସେସନ ସଫଳତାର ସହ ଦାୟିତ୍ୱ ବହନ କରିବା ପରେ ଅବସର ଘୋଷଣା କରିଛନ୍ତି। ଅବସର ଘୋଷଣା କରିବା ପରେ ଏହି ଦୁଇ ଅମ୍ପାୟର ଦକ୍ଷିଣ ଅଷ୍ଟ୍ରେଲିଆ କ୍ରିକେଟ ଆସୋସିଏଶନ (ଏସ୍ଏସିଏ), ସିଏ ଓ ଅନ୍ତର୍ଜାତୀୟ କ୍ରିକେଟ କାଉନସିଲ (ଆଇସିସି)କୁ କୃତଜ୍ଞତା ଜଣାଇଛନ୍ତି। କ୍ରିକେଟ ଅଷ୍ଟ୍ରେଲିଆର ହେଡ୍ ଅଫ୍ କ୍ରିକେଟ ଅପରେଶନ ପିଟର ରୋଚ୍ ମଧ୍ୟ ଏହି ଦୁଇଜଣଙ୍କୁ ଧନ୍ୟବାଦ ଜଣାଇଛନ୍ତି। ଅଷ୍ଟ୍ରେଲିଆ କ୍ରିକେଟ ପ୍ରତି ଅବଦାନ ପାଇଁ ସିମନ ଓ ଜନ୍ଙ୍କୁ ଆମେ କୃତଜ୍ଞତା ଜଣାଉଛୁ ବୋଲି ରୋଚ କହିଛନ୍ତି।