ବେଜିଂ, ୨।୬: ଏସିଆର ଏକ ମହଙ୍ଗା ଛାଡ଼ପତ୍ରରେ ଜଣେ ମହିଳା ରାତାରାତି କୋଟିପତି ପାଲଟି ଯାଇଛନ୍ତି। ଚାଇନା ଶେଜ୍ନେନର କାଙ୍ଗଟଇ ବାୟୋଲୋଜିକାଲ ପ୍ରଡକ୍ଟର ଅଧ୍ୟକ୍ଷ ଡ୍ୟୁ ଓ୍ବେଇମିନ୍ ତାଙ୍କ ପୂର୍ବତନ ସ୍ତ୍ରୀ ୟୁଆନ୍ ଲିପିଂଙ୍କୁ ଛାଡ଼ପତ୍ର କ୍ଷତିପୂରଣ ବାବଦରେ ଭାକସିନ୍ ମେକରର ୧୬୧.୩ ନିୟୁତ ଶେୟାର ପ୍ରଦାନ କରିଛନ୍ତି। ଏହାଦ୍ୱାରା ଲିପିଂ ରାତାରାତି ପୃଥିବୀର କୋଟିପତି ତାଲିକାରେ ସାମିଲ ହୋଇଯାଇଛନ୍ତି। ସୋମବାର ପର୍ଯ୍ୟନ୍ତ ଏହାର ଷ୍ଟକ୍ର ମୂଲ୍ୟ ୩.୨ ଶହ କୋଟି ଡଲାର ଥିଲା। କାଙ୍ଗଟଇର ଶେୟାର ଗତ ଏକବର୍ଷ ମଧ୍ୟରେ ଦୁଇଗୁଣାରୁ ଅଧିକରେ ପହଞ୍ଚିଥିଲା। ଫେବୃୟାରୀ ପରେ ଏହାର ମୂଲ୍ୟରେ ବୃଦ୍ଧି ଘଟି ଚାଲିଥିଲା। ନିକଟରେ କମ୍ପାନୀ କରୋନା ପ୍ରତିଷେଧକ ଟୀକା ପ୍ରସ୍ତୁତି ସମ୍ପର୍କରେ ଘୋଷଣା କରିଥିଲା। ତେବେ ମଙ୍ଗଳବାର ଛାଡ଼ପତ୍ର ସର୍ତ୍ତ ଖବର ମିଳିବା ପରେ କମ୍ପାନୀର ଶେୟାର ମୂଲ୍ୟ ହ୍ରାସ ପାଇବାରେ ଲାଗିଛି। ପୂର୍ବାହ୍ନ ୯ଟା ୪୩ ସୁଦ୍ଧା ଏଥିରେ ୩.୧ ପ୍ରତିଶତ ହ୍ରାସ ପରିଲକ୍ଷିତ ହୋଇଛି। ଏହାପରେ କମ୍ପାନୀର ବଜାର ମୂଲ୍ୟ କମି ୧୨.୯ ଶହ କୋଟି ଡଲାରରେ ପହଞ୍ଚିଛି। ୫୬ ବର୍ଷିୟ ଡ୍ୟୁ ଚାଇନାର ଜିୟାଙ୍ଗ୍ଶିି ପ୍ରଦେଶରେ ଏକ ଚାଷୀ ପରିବାରରେ ହୋଇଥିଲା। ୨୦୦୯ରେ ସେ କଙ୍ଗଟାଇ ଅଧିଗ୍ରହଣ କରିଥିଲେ। ସେହିପରି ଲିପିଂ କାନାଡ଼ାର ବାସିନ୍ଦା। ଏବେ ସେ ଚାଇନାର ଶେଜ୍ନେନ୍ରେ ବାସ କରୁଛନ୍ତି।