ଫୁଲବାଣୀ ଅଫିସ, ୧୯ା୨ – ଆଦିବାସୀ ଫୁଟବଲ ଚାମ୍ପିୟନଶିପ୍ ଏସ୍ଡିସି (ସ୍ବତନ୍ତ୍ର ଉନ୍ନୟନ ପରିଷଦ) କପ୍-୨୦୨୦ ପାଇଁ କନ୍ଧମାଳ ଜିଲାରେ ଚାଲିଥିବା ଖେଳାଳି ଚୟନ ପ୍ରକ୍ରିୟା ଶେଷ ହୋଇଛି ା କନ୍ଧମାଳ ଷ୍ଟାଡିୟମରେ ଚାଲିଥିବା ଏହି ଚୟନ ଶିବିରରେ ୨୫ ଜଣିଆ ମହିଳା ଓ ପୁରୁଷ ଟିମ୍ ବଚ୍ଛାଯାଇ ଖେଳ ଅଭ୍ୟାସ ପରେ ଚୂଡାନ୍ତ ୧୮ ଜଣିଆ ଟିମ୍ ଗଠନ କରାଯାଇଛି ା ଏହି ଟିମ୍ ଜିଲାସ୍ତରୀୟ ଲିଗ୍ରେ ଖେଳିବା ଖେଳାଳିମାନେ ଏବେ ଶିବରରେ ଅଭ୍ୟାସ ଜାରି ରଖିଛନ୍ତି। ଓଡିଶା ଫୁଟ୍ବଲ ଆସୋସିଏଶନର ସେକ୍ ଫୟାଜ ଖେଳାଳିଙ୍କୁ ଉତ୍ତମ କୌଶଳ ଶିଖାଉଛନ୍ତି।
ଜିଲାସ୍ତରୀୟ ଲିଗ୍ ଆସନ୍ତା ୨୪ରୁ ୨୮ ତାରିଖ ପର୍ଯ୍ୟନ୍ତ ବାରିପଦା ଏବଂ ଫୁଲବାଣୀରେ ଅନୁଷ୍ଠିତ ହେବ। କନ୍ଧମାଳ ଷ୍ଟାଡିୟମରେ କନ୍ଧମାଳ, କୋରାପୁଟ, କେନ୍ଦୁଝର, ମାଲକାନଗିରି, ମୟୂରଭଞ୍ଜ (ବି) ଟିମ୍ ଖେଳିବ ା ଖେଳ ପାଇଁ ଫୁଲବାଣୀ ସମନ୍ବିତ ଆଦିବାସୀ ଉନ୍ନୟନ ସଂସ୍ଥା(ଆଇଟିଡିଏ) ପକ୍ଷରୁ ସମସ୍ତ ପ୍ରକାର ଆୟୋଜନ କରାଯାଇଥିବା ଆଇଟିଡିଏ ପ୍ରକଳ୍ପ ପ୍ରଶାସକ ବୀରେନ୍ଦ୍ର କୁମାର ଦାସ ସୂଚନା ଦେଇଛନ୍ତି। ସୂଚନାଯୋଗ୍ୟ, ଏହି ଫୁଟବଲ ଲିଗରେ ଭାଗ ନେବା ପାଇଁ ଜିଲାର ୧୨ଟି ବ୍ଲକରୁ ପ୍ରାୟ ୮୩୦ ଖେଳାଳି ନାମ ପଞ୍ଜୀକରଣ କରିଥିଲେ ା ସରୋଜ ମୁନି, ପଦ୍ମନାଭ କହଁର କୋଚ ଏବଂ ସହକାରୀ କୋଚ ଦାୟିତ୍ୱରେ ରହିଛନ୍ତି। ଜିଲା କ୍ରୀଡ଼ା ଅଧିକାରୀ ଜିତେନ୍ଦ୍ର ମହାକୁଡ, ଖେଳ ଶିକ୍ଷକ ସତ୍ୟନାରାୟଣ ମୁଖୀ, ବୈଦ୍ୟନାଥ ଖଟୁଆ ପ୍ରମୁଖଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏହି ଚୟନ ପ୍ରକ୍ରିୟା ଚାଲିଥିଲା ା ମାର୍ଚ୍ଚ ୨ରେ ସେମିଫାଇନାଲ କେନ୍ଦୁଝର ଏବଂ ସୁନ୍ଦରଗଡ, ୫ ମାର୍ଚ୍ଚରେ ଫାଇନାଲ ଭୁବନେଶ୍ୱରରେ ଅନୁଷ୍ଠିତ ହେବ ା