ଭୁବନେଶ୍ୱର,୧୩।୭(ବ୍ୟୁରୋ): ଏସ୍ପ୍ଲାନେଡ ଓ୍ବାନ ମଲ୍ ପକ୍ଷରୁ ପ୍ରଥମ ବର୍ଷ ପୂର୍ତ୍ତି ଏବଂ ବାହୁଡା ଯାତ୍ରା ମଲ୍ ପରିସରରେ ପାଳିତ ହୋଇଯାଇଛି। ଏହା ସହ କେକ୍ କାଟି ପୂର୍ତ୍ତି ସେଲିବ୍ରେଶନ ଏବଂ ବିଭିନ୍ନ ମନୋରଞ୍ଜନ କାର୍ଯ୍ୟକ୍ରମ ମଲ୍ରେ ଆୟୋଜନ କରାଯାଇଥିଲା। ୧୮ ଷ୍ଟୋର ସହ ମଲ୍ ଶୁଭାରମ୍ଭ ହୋଇଥିବା ବେଳେ ବର୍ତ୍ତମାନ ଏବେ ଏହାର ଶତପ୍ରତିଶତ ସ୍ଥାନ ବ୍ୟବହାର ହୋଇ ପାରିଛି। ଗୋଟିଏ ବର୍ଷ ମଧ୍ୟରେ ଓଡ଼ିଶାର ଲୋକମାନଙ୍କଠାରୁ ସହଯୋଗ ଏବଂ ଭଲପାଇବା ଲାଭ କରିଛୁ ବୋଲି ଏସ୍ପ୍ଲାନେଡ ଓ୍ବାନର ସେଣ୍ଟର ନିର୍ଦ୍ଦେଶକ ପାର୍ଥ ପ୍ରତୀମ ନାୟକ ସୂଚନା ଦେଇଛନ୍ତି। ଗତ ଗୋଟିଏ ବର୍ଷ ହେବ ଲୋକଙ୍କ ସହ ଜଡିତ ହେବାକୁ ପ୍ରୟାସ ଜାରି ରଖିଛୁ। ଆଗାମୀ ଦିନରେ ଲୋକଙ୍କୁ ସୁବିଧା ଯୋଗାଣ ଧାରା ଜାରି ରହିବ । ବିଭିନ୍ନ ସ୍ବତନ୍ତ୍ର ସୁବିଧା ସହ ଏହା ଲୋକଙ୍କର ହୃଦୟରେ ଏକ ସ୍ବତନ୍ତ୍ର ସ୍ଥାନ ହାସଲ କରିଛି ବୋଲି ସେ କହିଛନ୍ତି।
