ଟମାଟୋ ଏକ ଏପରି ପରିବା ଯାହା ସହଜରେ ବଜାରରେ ଉପଲବ୍ଧ ହୋଇଥାଏ। ଏହା ଦେଖିବାକୁ ଯେତିକି ସୁନ୍ଦର, ସେତିକି ବ୍ୟଞ୍ଜନର ସ୍ବାଦ ବଢ଼ାଇବା ସହ ଶରୀରକୁ ସୁସ୍ଥ ରଖିଥାଏ। ଏଥିରେ ଭରପୂର ମାତ୍ରାରେ ଭିଟାମିନ ଓ ମିନେରାଲ ରହିଛି। ପାଚିଲା ଟମାଟୋଠାରୁ କଞ୍ଚା ଟମାଟୋ ସ୍ବାସ୍ଥ୍ୟଗତ କାରଣକୁ ନେଇ ଅଧିକ ଲାଭଦାୟୀ। ଅନେକ ରୋଗ ଲାଗି ଏହା ମହୌଷଧି ପରି କାମ କରେ। ଜାଣନ୍ତୁ ସେ ସବୁ ବିଷୟରେ..
କ୍ୟାନ୍ସର: ଟମାଟୋରେ ଲାଇକୋପିନ ନାମକ ଏକ ପୋଷକ ତତ୍ତ୍ୱ ରହିଥାଏ। ଏହା କ୍ୟାନ୍ସରର କୋଷକୁ ନଷ୍ଟ କରିବାରେ ସାହାଯ୍ୟ କରିଥାଏ। ସପ୍ତାହରେ ୧୦ରୁ ଅଧିକ ଟମାଟୋ ଖାଇଲେ କ୍ୟାନ୍ସର ଆଶଙ୍କା ହୋଇ ନ ଥାଏ। ଏଣୁ ଏହାକୁ ସାଲାଡ ଭାବେ ଗ୍ରହଣ କରାଯାଇପାରେ।
ହୃଦ୍ଘାତ : ଟମାଟୋରେ ଫାଇବର, ପୋଟାସିୟମ ମାତ୍ରାଧିକ ଥାଏ। ଏହା ହୃଦ୍ଘାତ ସମସ୍ୟାରୁୁ ଦୂରେଇ ରଖିଥାଏ।
ଗର୍ଭବତୀ ମହିଳାଙ୍କ ପାଇଁ ଲାଭଦାୟକ: ଏଥିରେ ଥିବା ପୋଷକ ତତ୍ତ୍ୱ ଗର୍ଭବତୀ ମହିଳାଙ୍କ ପାଇଁ ଅଧିକ ଲାଭଦାୟକ ହୋଇଥାଏ। ଏକ ସୁସ୍ଥ ଶିଶୁ ଜନ୍ମ କରିବା ପାଇଁ ଯେଉଁ ଭିଟାମିନ ଓ ପୋଷକ ତତ୍ତ୍ୱର ଆବଶ୍ୟକ ତାହା ଟମାଟୋରୁ ମିଳିଥାଏ।
ସୁନ୍ଦର ତ୍ୱଚା ପାଇଁ: ବଜାରରେ ମିଳୁଥିବା ରାସାୟନିକ ପଦାର୍ଥ ତ୍ୱଚା ସୁନ୍ଦରତା ପାଇଁ ବ୍ୟବହାର କରିବା ଅପେକ୍ଷା ଟମାଟୋକୁ ମୁହଁରେ ଘଷିଲେ ଏହା ତ୍ୱଚାକୁ ନରମ ଚିକ୍କଣ କରିବା ସହ ଚମକ ଆଣିଥାଏ। ଏଥିରେ ଥିବା ଲାଇକୋପିନ୍ ସୂର୍ଯ୍ୟକିରଣ ପ୍ରଭାବରୁ ମୁହଁକୁ ରକ୍ଷା କରିଥାଏ।
