ଭାରତୀୟ କ୍ରିକେଟ୍ ଟିମ୍ର ଜଣେ ଆଗଧାଡ଼ିର ଖେଳାଳି ବିରାଟ କୋହଲିଙ୍କର ଜନ୍ମ ୫ ନଭେମ୍ବର ୧୯୮୮ ମସିହାରେ ଦିଲ୍ଲୀର ପଞ୍ଜାବୀ ପରିବାରରେ ହୋଇଥିଲା। ତାଙ୍କର ପିତା ପ୍ରେମ୍ କୋହଲି ଜଣେ କ୍ରିମିନାଲ୍ ଆଡ଼୍ଭୋକେଟ୍ ଥିଲେ, ମା ସରୋଜ କୋହଲି ଜଣେ ଗୃହିଣୀ ମହିଳା ଥିଲେ। ଏହା ବ୍ୟତୀତ ବିରାଟ କୋହଲିଙ୍କର ଜଣେ ବଡ଼ ଭଉଣୀ ଓ ଭାଇ ଅଛନ୍ତି। ବିରାଟ ତିନି ବର୍ଷ ବୟସର ହୋଇଥିବା ବେଳେ ତାଙ୍କର ସବୁଠାରୁ ପ୍ରିୟ ଖେଳନା ବ୍ୟାଟ୍ ଥିଲା। ବିରାଟଙ୍କର ପ୍ରାରମ୍ଭିକ ଶିକ୍ଷା ବିଶାଳ ଭାରତୀ ପବ୍ଲିକ୍ ସ୍କୁଲ୍, ଦିଲ୍ଲୀରେ ହୋଇଥିଲା। କିନ୍ତୁ ତାଙ୍କର ଧ୍ୟାନ କ୍ରିକେଟ୍ ପ୍ରତି ଥିବାରୁ ତାଙ୍କର ପିତା ୯ ବର୍ଷ ବୟସରେ କ୍ରିକେଟ୍ କ୍ଲବ୍ରେ ତାଙ୍କ ନାମ ଲେଖେଇ ଦେଇଥିଲେ। ସେ ରାଜକୁମାର ଶର୍ମାଙ୍କ ଠାରୁ ଦିଲ୍ଲୀରୁ କ୍ରିକେଟ୍ ଶିଖିଲେ। ସେ ୨୦୦୨ରେ ଅଣ୍ଡର ୧୫ ପ୍ରତିଯୋଗିତାରେ ଖେଳିଥିଲେ। ଏହା ପରେ ୨୦୦୬ରେ ଅଣ୍ଡର ୧୭ରେ ଖେଳିବାର ସୁଯୋଗ ପାଇଥିଲେ। ମାଲେସିଆରେ ହୋଇଥିବା ଅଣ୍ଡର ୧୯ ମ୍ୟାଚ୍ରେ ବିରାଟ ଭାରତକୁ ବିଜୟୀ କରାଇଥିଲେ। ଏହା ପରେ ଦିନିକିଆ ଆନ୍ତର୍ଜାତୀୟ ମ୍ୟାଚ୍ରେ ତାଙ୍କୁ ଚୟନ କରାଯାଇଥିଲା। ସେ ଶ୍ରୀଲଙ୍କା ବିରୋରେ ଖେଳିଥିଲେ ଓ ଏହି ମ୍ୟାଚ୍ରେ ଭାରତ ବିଜୟୀ ହୋଇଥିଲା। ୨୦୧୨ରେ ହୋଇଥିବା ଏସିଆ କପ୍ରେ ତାଙ୍କୁ ଉପ ଅଧିନାୟକ ଭାବରେ ଚୟନ କରାଯାଇଥିଲା। ପରବର୍ତ୍ତୀ ସମୟରେ ସେ ଭାରତର ଅଧିନାୟକ ମଧ୍ୟ ହୋଇଥିଲେ। ୨୦୦୮ ରେ ସେ ପ୍ରଥମ ଆଇପିଏଲ୍ ମ୍ୟାଚ୍ ଖେଳିଥିଲେ।