ଅଭିନେତ୍ରୀ ଶ୍ରଦ୍ଧା କପୁର ନିଜ ଅଭିନୟ କ୍ୟାରିୟର ମଧ୍ୟରେ ଅନେକ ଚରିତ୍ରରେ ଦର୍ଶକଙ୍କ ସାମ୍ନାକୁ ଆସିସାରିଛନ୍ତି। ଏବେ ତାଙ୍କୁ ରୂପେଲି ପରଦାରେ ଏୟାର ହୋସେ୍ଟେସ୍ ଚରିତ୍ରରେ ଦେଖିବାକୁ ମିଳିବ। ଫିଲ୍ମ ‘ବାଗି-୩’ରେ ତାଙ୍କ ଚରିତ୍ର ଏପରି ରହିଛି। ଏଥିପାଇଁ ଶ୍ରଦ୍ଧାଙ୍କୁ ପ୍ରଶିକ୍ଷଣ ନେବାକୁ ପଡ଼ିବ। ଇତିମଧ୍ୟରେ ଫିଲ୍ମର ଟିମ୍ ଶ୍ରଦ୍ଧାଙ୍କ ଲୁକ୍ ଉପରେ ମଧ୍ୟ କାମ ଆରମ୍ଭ କରି ଦେଇଛନ୍ତି। ଶ୍ରଦ୍ଧାଙ୍କୁ ଫିଲ୍ମରେ ଟାଇଗର ଶ୍ରଫ୍ଙ୍କ ବିପକ୍ଷରେ ଦେଖିବାକୁ ମିଳିବ। ଅହମ୍ମଦ ଖାନ୍ ଏବଂ ଫରହାଦ ସାମଜୀଙ୍କ ଏହି ଫିଲ୍ମର ଶୁଟିଂ ସେପ୍ଟେମ୍ବରରୁ ମୁମ୍ବାଇରେ ଆରମ୍ଭ ହେବ। ପରେ ଆଗ୍ରା ଏବଂ ବିଦେଶରେ ଏହାର ଶୁଟିଂ ହେବ ବୋଲି ଜଣାପଡ଼ିଛି। ଫିଲ୍ମରେ ଶ୍ରଦ୍ଧାଙ୍କର ଷ୍ଟଣ୍ଟ ଦୃଶ୍ୟ ମଧ୍ୟ ରହିଛି। ଏଥିପାଇଁ ସେ ସ୍ବତନ୍ତ୍ର ପ୍ରଶିକ୍ଷଣ ମଧ୍ୟ ନେବେ।