ଅଭିଷେକ୍ ଏବଂ ଐଶ୍ୱର୍ଯ୍ୟାଙ୍କୁ ବଲିଉଡ୍ର ମୋଷ୍ଟ ପାଓ୍ବାରଫୁଲ୍ କପଲ କୁହାଯାଏ। ୧୨ ବର୍ଷ ତଳେ ଦୁହେଁ ବିବାହ ବନ୍ଧନରେ ବାନ୍ଧି ହୋଇଥିଲେ। ଆଜି ଅର୍ଥାତ୍ ବୁଧବାର ଅଭିଷେକଙ୍କ ଜନ୍ମଦିନ। ଆଜିର ଏହି ଖାସ୍ ଦିନରେ ଜାଣନ୍ତୁ କେମିତି ଆରମ୍ଭ ହୋଇଥିଲା ଦୁହିଁଙ୍କ ମଧ୍ୟରେ ପ୍ରେମ। ଫିଲ୍ମ ‘ବଣ୍ଟି ଏବଂ ବବ୍ଲି’ର କଜରାରେ ଗୀତର ଶୁଟିଂ ସମୟରେ ଦୁଇଜଣଙ୍କ ମଧ୍ୟରେ ଲୁଚାଛପା ପ୍ରେମ ଆରମ୍ଭ ହୋଇଥିଲା।
ଏକ ସାକ୍ଷାତକାରରେ ଐଶ୍ୱର୍ଯ୍ୟା କହିଥିଲେ, ହଲିଉଡ୍ ଷ୍ଟାଇଲ୍ରେ ଅଭିଷେକ ତାଙ୍କୁ ପ୍ରପୋଜ କରିଥିଲେ। ଅଭି ତାଙ୍କୁ ନ୍ୟୁୟର୍କରେ ପ୍ରପୋଜ୍ କରିଥିଲେ। ଦୁଇଜଣ ଏକ ହୋଟେଲ୍ର ବାଲକୋନିରେ ଠିଆ ହୋଇଥିବା ବେଳେ ଅଭିଷେକ ଐଶ୍ୱର୍ଯ୍ୟାଙ୍କ ମୁଡ୍ ଦେଖି ତାଙ୍କ ସାମ୍ନାରେ ଆଣ୍ଠେଇ ପଡ଼ି ପୂରା ଫିଲ୍ମ ଷ୍ଟାଇଲ୍ରେ ପ୍ରପୋଜ କରିଥିଲେ। ଫିଲ୍ମ ‘ଗୁରୁ’ ପରେ ଯୋଦ୍ଧା ଆକବର ଶୁଟିଂ ଚାଲିଥିଲା। ସେଥିରେ ଏକ ବିବାହ ସିନ୍ ଥିଲା।
ଏହି ସମୟରେ ସେ ଅନୁଭବ କରିଥିଲେ ଅଭିଷେକଙ୍କ ସହ ସତରେ ଯେମିତି ତାଙ୍କର ବିବାହ ହେଉଛି। ସେତେବେଳେ ତାଙ୍କର ବିଶ୍ୱାସ ଆସିଥିଲା ଅଭିଷେକଙ୍କ ପ୍ରତି। ଧୀରେ ଧୀରେ ଦୁହେଁ ଦୁହିଁଙ୍କ ନିକଟତର ହୋଇଥିଲେ। ଜଣେ ଜଣଙ୍କୁ ସେତିକି ବୁଝିଥିଲେ, ଚିହ୍ନିଥିଲେ। ପରେ ବିବାହ ପାଇଁ ନିଷ୍ପତ୍ତି ନେଇଥିଲେ। ତାଙ୍କର ଏହି ପ୍ରେମକୁ ବଚ୍ଚନ ପରିବାର ସ୍ବୀକୃତି ଦେଇ ବିଶ୍ୱସୁନ୍ଦରୀଙ୍କୁ ବୋହୂ କରିନେବାକୁ ରାଜି ହୋଇଯାଇଥିଲେ।