ଓଡ଼ାପଡ଼ା,୭।୧(ଡି.ଏନ.ଏ.)
ଓଡ଼ିଶା ପ୍ରଶାସନିକ ସେବା (ଓଏଏସ୍) ପରୀକ୍ଷାରେ ଢେଙ୍କାନାଳ ଜିଲା ଓଡ଼ାପଡ଼ା ବ୍ଲକ ଅଧୀନ ଓଡ଼ାପଡ଼ା ଗ୍ରାମର ଶାରଦା ପ୍ରସନ୍ନ ପଣ୍ଡା ସମଗ୍ର ରାଜ୍ୟରେ ୧୫ନଂ. ର଼୍ୟାଙ୍କରେ କୃତିତ୍ୱର ସହ ଉତ୍ତୀର୍ଣ୍ଣ ହୋଇଛନ୍ତି। ସୋମବାର ପରୀକ୍ଷା ଫଳ ପ୍ରକାଶ ପାଇବାପରେ ଆଖପାଖ ଅଞ୍ଚଳରେ ଖୁସିର ଲହରି ଖେଳିଯାଇଛି।
ଜଣେ ମେଧାବୀ ଛାତ୍ର ଭାବେ ଶାରଦା ଅଞ୍ଚଳବାସୀଙ୍କ ମଧ୍ୟରେ ବେଶ୍ ପରିଚିତ। ପିଲାଟି ଦିନରୁ ସେ ପ୍ରଶାସନିକ ସେବାରେ ଯୋଗଦେବାକୁ ଲକ୍ଷ୍ୟ ରଖି ଆଗେଇ ଚାଲିଥିଲେ। ପରୀକ୍ଷାରେ ଭଲ ର଼୍ୟାଙ୍କ ରଖି ପାସ୍ ହୋଇଥିବା ଜଣାପଡ଼ିବା ପରେ ଶାରଦାଙ୍କ ନିକଟକୁ ଛୁଟିଛି ପ୍ରଶଂସାର ସୁଅ। ଉଲ୍ଲେଖଯୋଗ୍ୟ, ଶାରଦା ହେଉଛନ୍ତି ଓଡ଼ାପଡ଼ା ଗ୍ରାମର ସ୍ବର୍ଗତ ଶ୍ୱେତ କୁମାର ପଣ୍ଡା ଏବଂ ଜୟନ୍ତୀ ପଣ୍ଡାଙ୍କ ପୁତ୍ର।