ସ୍ବାସ୍ଥ୍ୟ ଓ ସୌନ୍ଦର୍ଯ୍ୟ ପାଇଁ କାକୁଡ଼ି ବହୁତ ଲାଭକାରୀ ଏଥିରେ ସନ୍ଦେହ ନାହିଁ। ଏହାର ଲାଭକାରୀ ଗୁଣ ଅନେକ କିଛି ରହିଛି । ସୁନ୍ଦର ସ୍ବାସ୍ଥ୍ୟ ଓ ଉଜ୍ଜ୍ୱଳ ତ୍ୱଚା ପାଇଁ ଏହା ମଧ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ। ଜାଣନ୍ତୁ ଏହାର ଲାଭ ବିଷୟରେ..
ଏହାର ସବୁଠାରୁ ଭଲଗୁଣ ହେଲା, ଏହା ଭିତରେ ୮୦ ପ୍ରତିଶତ ପାଣି ଅଛି। କାକୁଡ଼ି ପାଣିର ଅଭାବକୁ ପୂରଣ କରେ ଏହାକୁ ଖୋଇଲା ପରେ ଏହା ଶରୀରକୁ ପର୍ଯ୍ୟାପ୍ତ ପରିମାଣରେ ପାଣି ଦେଇଥାଏ। ଏହା ଶରୀରର ଆଭ୍ୟନ୍ତରୀଣ ଅଙ୍ଗ ଓ ସ୍କିନ୍ର ମଇଳାକୁ ସଫା କରିଥାଏ। ଖରାରେ ସ୍କିନ୍ ଉପରେ ପଡ଼ିଥିବା ପ୍ରଭାବକୁ ଯଥା ସ୍କିନ୍ ଜଳିଯିବା ଓ ଟୋନିଙ୍ଗକୁ ମଧ୍ୟ କମ୍ କରିଥାଏ। କାକୁଡ଼ି ଖାଇବା ଦ୍ୱାରା ଶରୀରର ବିଷାକ୍ତ ପଦାର୍ଥ ବାହାରକୁ ବାହାରି ଥାଏ। ଏହା ଭିତରର ଅଙ୍ଗମାନଙ୍କୁ ମଧ୍ୟ ସଫା କରିବାରେ ସାହାଯ୍ୟ କରେ। କାକୁଡ଼ି ଦ୍ୱାରା ଆମ ଶରୀରକୁ ଭିଟାମିନ୍ ଏ, ବି ଓ ସି ମିଳିଥାଏ। ଏହାର ଚୋପାରେ ଭିଟାମିନ୍ ସି ରହିଥାଏ। ଏଥିରୁ ପୋଟାସିୟମ, ମ୍ୟାଗ୍ନେସିୟମ ଓ ସିଲିକନ୍ ଅତ୍ୟଧିକ ମାତ୍ରାରେ ଥାଏ। ଏହା ଖାଇବା ଦ୍ୱାରା ଚମକପ୍ରଦ ଓ ଚିକ୍କଣ ସ୍କିନ୍ ମିଳିଥାଏ। ଏହା ଓଜନ ମଧ୍ୟ କମ୍ କରାଇଥାଏ। ଯେଉଁ ଲୋକମାନେ ଓଜନ କମ୍ କରିବାକୁ ଚାହୁଁଛନ୍ତି ସେମାନେ ଏହାକୁ ସୁପ୍ ଓ ସାଲାଡ଼ କରି ଖାଆନ୍ତୁ। ଏଥିରେ ଜଳର ତାପମାତ୍ରା ଅଧିକ ଓ କ୍ୟାଲୋରୀ ମଧ୍ୟ ନାହିଁ।