ଓ୍ବାଶିଂଟନ,୨୮।୩: ଆଣ୍ଟାର୍କଟିକା ଉପରେ ସୃଷ୍ଟି ହୋଇଥିବା ଓଜନ ହୋଲ୍ର ଆକାର ଇତିମଧ୍ୟରେ କମିବାରେ ଲାଗିଛି। ୧୯୮୭ ମଣ୍ଟେକାର୍ଲୋ ପ୍ରୋଟୋକଲ ଅନ୍ତର୍ଗତ ହୋଇଥିବା ଏକ ସର୍ଭେ ରିପୋର୍ଟରେ ଏହା ପ୍ରକାଶ ପାଇଛି। ସାଧାରଣତଃ ବାୟୁମଣ୍ଡଳରେ ଜମା ହେଉଥିବା କ୍ଲୋରୋ-ଫ୍ଲୋରୋ-କାର୍ବନ(ସିଏଫ୍ସି) ଗ୍ୟାସ୍ ଉପରସ୍ତରରେ ଥିବା ଓଜନସ୍ତର ସହିତ ରାସାୟନିକ ପ୍ରତିକ୍ରିୟା କରି ସିଏଫ୍ସି ଅକ୍ସାଇଡ୍ ଏବଂ ଅମ୍ଳଜାନ ସୃଷ୍ଟି କରିଥାଏ। ଫଳରେ ଓଜନ ସ୍ତରର ସାନ୍ଦ୍ରତା କମିଯାଇଥାଏ। ଏହାକୁ ଓଜନ ହୋଲ୍ କୁହାଯାଇଥାଏ। ଓଜନ ମଲିକ୍ୟୁଲ୍ରେ ୩ଟି ଅମ୍ଳଜାନ ରହିଥାଏ। ବାୟୁ ମଣ୍ଡଳରେ ବଜ୍ରପାତ ସମୟରେ ଉଚ୍ଚ ତାପମାତ୍ରାରେ ପ୍ରାକୃତିକ ଉପାୟରେ ୩ଟି ଅମ୍ଳଜାନ ଆଟମ୍ ମିଳିତ ହୋଇ ଓଜନ ମଲିକ୍ୟୁଲ୍ ସୃଷ୍ଟି ହୋଇଥାଏ। ୨୦୬୦ ସୁଦ୍ଧା ଆଣ୍ଟାର୍କଟିକା ଉପରେ ସୃଷ୍ଟି ହୋଇଥିବା ଓଜନ ହୋଲ୍ରେ ସୁଧାର ଆସିପାରିବ ବୋଲି ଏହା ଉପରେ ଗବେଷଣା କରୁଥିବା ଅନ୍ତରା ବାନାର୍ଜୀ ସୂଚନା ଦେଇଛନ୍ତି। ୨୦୦୦ଠାରୁ ଓଜନସ୍ତରରେ ବୃଦ୍ଧି ହେଉଥିବା ସେ କହିଛନ୍ତି।