ମୁମ୍ବାଇ: ବଲିଉଡ୍ର ହଟ୍ ନାୟିକା ଦିଶା ପାଟନୀଙ୍କ ଫିଲ୍ମ ‘ମଲଙ୍ଗ’ ଯେତେବେଳେ ଗତ ଫେବୃୟାରୀରେ ରିଲିଜ୍ ହୋଇଥିଲା ସେତେବେଳେ ଦିଶାଙ୍କ ଅଭିନୟକୁ ଦର୍ଶକେ ବେଶ୍ ପସନ୍ଦ କରିଥିଲେ। ଏଥିରେ ଦିଶାଙ୍କ ବୋଲ୍ଡ ଲୁକ୍କୁ ୟଙ୍ଗ ଅଡିୟନ୍ସ ଖୁବ୍ ପସନ୍ଦ କରିଥିଲେ। ଏହା ଏବେ ଅର୍ଥାତ୍ ମେ’ ୧୫ରେ ଓଟିଟି ପ୍ଲାଟଫର୍ମରେ ରିଲିଜ ହୋଇଛି। ଯାହା ଦିଶାଙ୍କ ପାଇଁ ନୂଆ ପ୍ରଶଂସା ଆଣିଦେଇଛି। ନେଟଫ୍ଲିକ୍ସରେ ଚାଲୁଥିବା ଫିଲ୍ମ ମଧ୍ୟରେ ଦିଶାଙ୍କ ଏହି ଫିଲ୍ମ ଶୀର୍ଷରେ ଥିବା ଫିଲ୍ମ ମଧ୍ୟରୁ ଗୋଟିଏ ବୋଲି କୁହାଯାଉଛି। ଏହା ଏବେ ନମ୍ବର # 1ରେ ଟ୍ରେଣ୍ଡ କରୁଚି। ଦର୍ଶକେ ଆଜିବି ‘ମଲଙ୍ଗ’ରେ ଦିଶାଙ୍କ ଲୁକ୍କୁ ବେଶ୍ ପ୍ରଶଂସା କରୁଛନ୍ତି। ଏହି ଫିଲ୍ମ ଏକ ରୋମାଣ୍ଟିକ ମନୋବୈଜ୍ଞାନିକ ଥ୍ରୀଲର ଫିଲ୍ମ। ଯେଉଁଥିରେ ଦିଶାଙ୍କ ଅବତାର ସ୍କ୍ରିନ ଉପରେ ଚମକ ଭରି ଦେଉଛି ବୋଲି ଦର୍ଶକେ ମତ ରଖିଛନ୍ତି। ଏଥିରେ ଦିଶାଙ୍କ ବିକିନି ଲୁକ୍ କୁହନ୍ତୁ ଅବା ଡ୍ୟାନ୍ସ ନମ୍ବର ସବୁଥିରେ ମତୁଆଲା ହୋଇଛନ୍ତି ଦର୍ଶକେ। ଫେବୃୟାରୀରେ ରିଲିଜ୍ ସମୟରେ ଦିଶା ଏହାକୁ ନେଇ ଯେତିକି ପ୍ରଶଂସା ପାଇଥିଲେ ଏବେବି ତାହା କମ୍ ହୋଇ ନ ଥିବା ଲକ୍ଷ୍ୟ କରାଯାଇଛି। ଏହା ଯେମିତି ଦିଶାଙ୍କ ପାଇଁ ଦ୍ୱିତୀୟ ରିଲଜ୍ ବୋଲି କୁହାଯାଉଛି।