ଓଡ଼ିଶାକୁ ସ୍ବତନ୍ତ୍ର ରାଜ୍ୟ ମାନ୍ୟତା ଦାବିରେ ପଦଯାତ୍ରା

ସିମୁଳିଆ, ୧୪।୮(ଡି.ଏନ.ଏ.)-ଓଡ଼ିଶାକୁ ସ୍ବତନ୍ତ୍ର ରାଜ୍ୟ ମାନ୍ୟତା ଦାବିରେ ପଦଯାତ୍ରାରେ ବାହାରିଥିବା ଜଗତ୍‌ସିଂହପୁର ଜିଲା ବାଲିକୁଦା ବ୍ଲକ ଭଗବାନସିନ୍ଦୋଳ ଅଞ୍ଚଳର ସତ୍ୟବ୍ରତ ଦାସ (୨୮) ମଙ୍ଗଳବାର ସିମୁଳିଆ ବ୍ଲକର ସଦର ମହକୁମା ମାର୍କୋଣାରେ ପହଞ୍ଚତ୍ଛନ୍ତି।
ଗତ ଜୁଲାଇ ୧୦ ତାରିଖରୁ ଯାଜପୁର ଜିଲା ବଡ଼ଚଣାରୁ ପଦଯାତ୍ରା ଆରମ୍ଭ କରି ସତ୍ୟବ୍ରତ ଅଦ୍ୟାବଧି ଯାଜପୁରର ୧୦ଟି, ଭଦ୍ରକର ୭ଟି, କେନ୍ଦ୍ରାପଡ଼ାର ୯ଟି, କେନ୍ଦୁଝରର ୭ଟି ଓ ବାଲେଶ୍ୱର ଜିଲାର ୩ଟି ବ୍ଲକ ପରିକ୍ରମା କରିଥିବାର ପ୍ରକାଶ କରିଛନ୍ତି। ସତ୍ୟବ୍ରତ ନାରୀ ସଚେତନତା, ବେକାରୀ ସମସ୍ୟା, ମହାନଦୀ ଓ ପୋଲାଭରମ୍‌ ନଦୀ ସଚେତନତା ସମ୍ପର୍କରେ ସେ ‘ଜନ ସଚେତନତା ମଞ୍ଚ’ ପକ୍ଷରୁ ଏକ ସଚେତନତା ବାର୍ତ୍ତା ପ୍ରଚାର କରିବା କରିବା ବିଭିନ୍ନ ଅଞ୍ଚଳର ବିଡ଼ିଓଙ୍କ ମାଧ୍ୟମରେ ରାଷ୍ଟ୍ରପତିଙ୍କୁ ଏକ ଦାବିପତ୍ର ପ୍ର୍ରଦାନ କରିଛନ୍ତି। ସତ୍ୟବ୍ରତ ଓଡ଼ିଶାର ୩୧୪ଟି ବ୍ଲକ ପରିକ୍ରମା କରି ସଚେତନତା ସୃଷ୍ଟି କରିବାର ଲକ୍ଷ୍ୟ ରଖିଥିବାର କହିଛନ୍ତି। ତାଙ୍କର ଏପରି ପଦକ୍ଷେପକୁ ବିଭିନ୍ନ ମହଲରେ ପ୍ରଶଂସା କରାଯାଇଛି।