????????????????????????????????????
ବ୍ରହ୍ମପୁର ଅଫିସ,୩୦ା୧୨-ଗଞ୍ଜାମ ଜିଲା ଭାରୋତ୍ତଳନ ସଂଘ ପକ୍ଷରୁ ୬୭ତମ ବରିଷ୍ଠ ପୁରୁଷ ଓ ୩୫ତମ ବରିଷ୍ଠ ମହିଳା ଓଡିଶା ଭାରୋତ୍ତୋଳନ ଚାମ୍ପିୟନଶିପ ରବିବାର ଅନୁଷ୍ଠିତ ହୋଇଯାଇଛି ା ଖାସ୍ପା ସାହିସ୍ଥିିତ କନ୍ୟକା ପରମେଶ୍ୱରୀ ମନ୍ଦିର ପରିସରରେ ଆୟୋଜିତ ଏହି ପ୍ରତିଯୋଗିତାକୁ ବ୍ରହ୍ମପୁର ବିଧାୟକ ବିକ୍ରମ କୁମାର ପଣ୍ଡା ମୁଖ୍ୟଅତିଥି ଭାବେ ଯୋଗଦେଇ ଉଦଘାଟନ କରିଥିଲେ ା
ଜିଲା କ୍ରୀଡା ଅଧିକାରୀ ପ୍ରଶାନ୍ତ କୁମାର ସାହୁ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ା ଓଡିଶା ଭାରୋତ୍ତୋଳନ ସଂଘର ସମ୍ପାଦକ ନାରାୟଣ ସାହୁ, ଉପସଭାପତି କୁମୁଦ ଚନ୍ଦ୍ର ସାହୁ, ବରିଷ୍ଠ କୋଚ ସୀତା ପ୍ରସାଦ ପଟ୍ଟନାୟକ, ବରିଷ୍ଠ ଭାରୋତ୍ତୋଳନକାରୀ ଚନ୍ଦ୍ରଶେଖର ସାହୁ ପ୍ରମୁଖ ମଞ୍ଚାସୀନ ଥିଲେ ା
ଏଥିରେ ଗଞ୍ଜାମ, କଟକ, ଖୋର୍ଦ୍ଧା, ମୟୁରଭଞ୍ଜ, ରାୟଗଡା ଅଞ୍ଚଳର ପ୍ରାୟ ୨୫ ମହିଳା ଓ ୪୫ ପୁରୁଷ ପ୍ରତିଯୋଗୀ ଅଂଶ ଗ୍ରହଣ କରିଥିଲେ। ରେଫରି ଭାବେ ୨୫ ଅଫିସିଆଲ ଯୋଗଦେଇ ପ୍ରତିଯୋଗିତାକୁ ପରିଚାଳନା କରିଥିଲେ। ୫୫ କି.ଗ୍ରା. ପୁରୁଷ ବର୍ଗରେ କୁମ୍ଭେଶ୍ୱର ମଲ୍ଳିକ ୧୯୬ କି.ଗ୍ରା ଭାରୋତ୍ତୋଳନ କରି ପ୍ରଥମ ହୋଇଥିବା ବେଳେ ୬୧ କି.ଗ୍ରା. ବର୍ଗରେ ଜଗଦିଶ ନାୟକ ୨୩୨ କି.ଗ୍ରା. ଭାରୋତ୍ତୋଳନ କରି ସ୍ବର୍ଣ୍ଣପଦକ ହାସଲ କରିଛନ୍ତି ା ସେହିପରି ୪୫ କି.ଗ୍ରା. ମହିଳା ବର୍ଗରେ ସନ୍ଧ୍ୟାରାଣୀ ନାୟକ ମୋଟ ୧୧୮ ଭାରୋତ୍ତୋଳନ କରି ପ୍ରଥମ ହୋଇଛନ୍ତି। ୪୯ କି.ଗ୍ରା ବର୍ଗରେ ସୁଶୀଳା ମାଝି ୧୫୫ କେଜି, ୫୨ କି.ଗ୍ରା. ବର୍ଗରେ ବୀଣା ସୋରେନ ୧୩୮ କେଜି, ୫୫ କି.ଗ୍ରା. ବର୍ଗରେ ଅପରାଜିତା ଭୂୟାଁ ୧୩୭ କି.ଗ୍ରା. ଭାରଉତ୍ତୋଳନ କରିଛନ୍ତି। ୬୪ କି.ଗ୍ରା ବର୍ଗରେ ଦେବକୀ ଖିଲ ୧୪୯ କି.ଗ୍ରା., ୫୯ କି.ଗ୍ରା. ବର୍ଗରେ ସଙ୍ଗୀତା ପାଢୀ ୧୩୮ କି.ଗ୍ରା, ୮୧ କି.ଗ୍ରା. ବର୍ଗରେ ରଜେଶ୍ୱରୀ ବେହେରା ୧୮୨ କି.ଗ୍ରା. ଭାରୋତ୍ତୋଳନ କରି ସ୍ବର୍ଣ୍ଣପଦକ ହାସଲ କରିଛନ୍ତି ା ସଂଘର କାର୍ଯ୍ୟକାରୀ ସମ୍ପାଦକ ନୀଳମଣି ସାହୁ, ଉପସଭାପତି ଲକ୍ଷ୍ମୀନାରାୟଣ ରାଉତ, ଯୁଗ୍ମ ସମ୍ପାଦକ ରମେଶ ଚନ୍ଦ୍ର ପାଢୀ, ଜାନକୀ ବଲ୍ଳବ ମିଶ୍ର, କୋଷାଧ୍ୟକ୍ଷ ଯଜ୍ଞନାରାୟଣ ନନ୍ଦ, ଗାଗାରିନ ନାୟକ ପ୍ରମୁଖ ପ୍ରତିଯୋଗିତା ପରିଚାଳନାରେ ସହଯୋଗ କରିଥିଲେ ା