ଭୁବନେଶ୍ୱର, ୨୭।୨(କ୍ରୀଡ଼ା ପ୍ରତିନିଧି)-
ରାଜ୍ୟର ଉଦୀୟମାନ ହ୍ୟାଣ୍ଡବଲ ପ୍ରତିଭା ଆର୍ଯ୍ୟନ ବ୍ରାହ୍ମିନ ଜୁନିୟର ସ୍ତରରେ ଚମତ୍କାର ପ୍ରଦର୍ଶନର ପୁରସ୍କାର ପାଇଛନ୍ତି। ତାଙ୍କୁ ଓଡ଼ିଶା ସିନିୟର ହ୍ୟାଣ୍ଡବଲ ଦଳରେ ସାମିଲ କରାଯାଇଛି। ଚଳିତମାସ ୨୯ରୁ ମାର୍ଚ୍ଚ ୩ ପର୍ଯ୍ୟନ୍ତ ବିହାରରେ ହେବାକୁଥିବା ପୂର୍ବାଞ୍ଚଳ ମହିଳା ଓ ପୁରୁଷ ହ୍ୟାଣ୍ଡବଲ ପ୍ରତିଯୋଗିତାରେ ଓଡ଼ିଶା ପୁରୁଷ ସିନିୟର ଦଳରୁ ପ୍ରତିନିଧିତ୍ୱ କରିବେ। ଗୁରୁବାର ଆର୍ଯ୍ୟନ କଟକରୁ ଓଡ଼ିଶା ଦଳ ସହ ବିହାର ଯାତ୍ରା କରିଛନ୍ତି। ଅପର୍ଣ୍ଣା ଓ ଗୌରୀ ଶଙ୍କର ମିଶ୍ରଙ୍କ ପୁତ୍ର ଆର୍ଯ୍ୟନ ୨୦୧୫ରୁ ଜାତୀୟ ସବ୍ଜୁନିୟର ଓ ଜୁନିୟର ଦଳରେ ଓଡ଼ିଶା ପକ୍ଷରୁ ପ୍ରତିନିଧିତ୍ୱ କରି ଆସୁଛନ୍ତି। ଏହା ବ୍ୟତୀତ ୨୦୧୮ରୁ ଜୁନିୟର ସ୍ତରରେ ଭାରତୀୟ ଦଳରୁ ପ୍ରତିନିଧିତ୍ୱ କରି ଆସୁଛନ୍ତି। ୨୦୦୪ ମାର୍ଚ୍ଚ ୧୦ରେ ଜନ୍ମିତ ଆର୍ଯ୍ୟନ ପ୍ରଥମଥରପାଇଁ ସିନିୟର ଦଳରେ ଖେଳିବାର ସୁଯୋଗ ପାଇଛନ୍ତି।