ପାତ୍ରପୁର,୨ା୪ (ଡି.ଏନ.ଏ.): ରାଜ୍ୟରେ କରୋନା ସଂକ୍ରମଣ ରୋକିବା ନିମନ୍ତେ ଆନ୍ଧ୍ର- ଓଡ଼ିଶା ସୀମା ସିଲ୍ କରାଯାଇଛି। ବାହାର ରାଜ୍ୟର କେହି ଯେଭଳି ଲୁଚାଛପାରେ ନ ଆସିପାରିବେ ସେଥିପ୍ରତି ତୀକ୍ଷଣ ନଜର ରଖାଯାଇଛି। ଗୁରୁବାର ଦକ୍ଷିଣାଞ୍ଚଳ ଡିଆଇଜି ସତ୍ୟବ୍ରତ ଭୋଇ ସୀମାନ୍ତ ବଳରାମପୁର ଫାଟକରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି । ଜାତୀୟ ରାଜପଥରେ ଆସୁଥିବା କ୍ଷୀର, ଗ୍ୟାସ ଓ ରାଶନ ସାମଗ୍ରୀ ବୋଝେଇ କରି ଆସୁଥିବା ଟ୍ରକକୁ ଯାଞ୍ଚ କରି ଓଡ଼ିଶା ସୀମାକୁ ଛାଡ଼ିବା ପାଇଁ ଫାଟକରେ ଥିବା ପୋଲିସ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି। ଯଦି କୌଣସି ଲୋକ ଓଡ଼ିଶାରେ ପ୍ରବେଶ କରୁଛନ୍ତି, ତୁରନ୍ତ ସେମାନଙ୍କ ନାମ ପଞ୍ଜୀକରଣ କରି ରୋଲାଣ୍ଡ କଲେଜକୁ ସ୍ଥାନାନ୍ତର ପାଇଁ ଡିଆଇଜି ନିର୍ଦ୍ଦେଶ ଦେଇଛନ୍ତି।