ଭୁବନେଶ୍ୱର,୭।୫: ଲକ୍ଡାଉନ ସମୟରେ ଓପୋଲଫେଡ୍ ପକ୍ଷରୁ ଗ୍ରାହକଙ୍କୁ ସେବା ଯୋଗାଣଧାରା ଜାରି ରହିଛି। ଭୁବନେଶ୍ୱର ମହାନଗର ନିଗମ ଅଞ୍ଚଳରେ ଏହା ହୋମ୍ ଡେଲିଭରି ସେବା ଯୋଗାଣ ଦ୍ୱାରା ଲୋକଙ୍କ ନିକଟରେ ଉଚିତ ମୂଲ୍ୟରେ ଅଣ୍ଡା ଏବଂ କୁକୁଡ଼ା ମାଂସ ଯୋଗାଇ ଦେଉଛି। ଭୁବନେଶ୍ୱରରେ ୪ଟି ସେଣ୍ଟର ଦ୍ୱାରା ଏହା ସେବା ପ୍ରଦାନ କରୁଛି। ଏହି ସେଣ୍ଟରଗୁଡିକ ଚନ୍ଦ୍ରଶେଖରପୁର, ଓୟୁଏଟି, ଶହୀଦନଗର ଏବଂ ଆଇଆର୍ସି ଭିଲେଜରେ ରହିଛି। ନିର୍ଦ୍ଧାରିତ ଫୋନ ନମ୍ବରରେ ଗ୍ରାହକ କଲ୍ ଷ୍ଟୋରରୁ ଅଣ୍ଡା ଏବଂ ମାଂସ ଅର୍ଡର କରିପାରିବେ। ଲୋକଙ୍କୁ ସେବା ଯୋଗାଣ ଲାଗି ବ୍ୟବସ୍ଥା କରାଯାଇଥିବା ବେଳେ ସହଜରେ କିଭଳି ଲୋକ ଏହା ଲାଭ କରିପାରିବେ ତାକୁ ଧ୍ୟାନରେ ରଖାଯାଇଥିବା ଓପୋଲଫେଡ୍ ପକ୍ଷରୁ ସୂଚନା ଦିଆଯାଇଛି।