ନ୍ୟୁୟର୍କ, ୮।୯(ଏପି): ଜାପାନର ନାଓମି ଓସାକା ଚଳିତ ୟୁଏସ ଓପନ ଗ୍ରାଣ୍ଡସ୍ଲାମ ମହିଳା ସିଙ୍ଗଲ୍ସ କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି। ପ୍ରି-କ୍ୱାର୍ଟରରେ ସେ ଆନେଟ କୋଣ୍ଟାଭେଟଙ୍କୁ ୬-୩, ୬-୪ ସେଟ୍ରେ ପରାସ୍ତ କରିଛନ୍ତି। ଏଠାରେ ୨୦୧୮ରେ ଟାଇଟଲ ବିଜୟିନୀ ହୋଇଥିବା ଓସାକା ଗତବର୍ଷ ୪ର୍ଥ ରାଉଣ୍ଡରୁ ବିଦାୟ ନେଇଥିଲେ। କ୍ୟାରିୟରରେ ସେ ୨ଟି ଗ୍ରାଣ୍ଡସ୍ଲାମ ଟାଇଟଲ ହାସଲ କରିଛନ୍ତି। ଅନ୍ୟଏକ ମ୍ୟାଚରେ ଶିଲ୍ବି ରୋଜର୍ସ ୭-୬(୫), ୩-୬, ୭-୬(୮/୬) ସେଟ୍ରେ ପେତ୍ରା କ୍ୱିଟୋଭାଙ୍କୁ ହରାଇ ଦେଇଛନ୍ତି। ଓସାକା ଓ ରୋଜର୍ସ ପରସ୍ପରକୁ କ୍ୱାର୍ଟର ଫାଇନାଲରେ ଭେଟିବେ।