ଓ୍ବାଶିଂଟନ,୧୫।୯: ଅଲ୍-କାଏଦାର ପ୍ରତିଷ୍ଠାତା ଓସାମା ବିନ ଲାଡେନଙ୍କ ପୁଅ ହମ୍ଜା ନିହତ ହୋଇଥିବା ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ଶନିବାର ସ୍ପଷ୍ଟ କରିଛନ୍ତି। ପାକ୍-ଆଫଗାନିସ୍ତାନ ସୀମାରେ ଆତଙ୍କବାଦ ନିରୋଧୀ ଅଭିଯାନ ବେଳେ ହମ୍ଜା ନିହତ ହୋଇଥିଲେ। ଫଳରେ ଅଲ୍ କାଏଦା ଜଣେ ଗୁରୁତ୍ୱପୂର୍ଣ୍ଣ ନେତାଙ୍କୁ ହରାଇଛି ବୋଲି ହ୍ବାଇଟ୍ ହାଉସ ପକ୍ଷରୁ କୁହାଯାଇଛି। ହାମ୍ଜା ବିନ୍ ଲାଡେନ ନିହତ ହୋଇଥିବା ନେଇ ଗୋଇନ୍ଦା ଅଧିକାରୀଙ୍କ ସୂଚନାକ୍ରମେ ଅଗଷ୍ଟରେ ଆମେରିକା ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଥିଲା। ଦୁଇବର୍ଷ ପୂର୍ବେ ଆମେରିକାର ଆତଙ୍କ ନିରୋଧୀ କାର୍ଯ୍ୟାନୁଷ୍ଠାନରେ ହମ୍ଜା ମରିଥିବା ନେଇ ପରରାଷ୍ଟ୍ର ସଚିବ ମାର୍କ ଏସ୍ପର ମଧ୍ୟ ଗତମାସରେ ସୂଚନା ଦେଇଥିଲେ। ହମ୍ଜା ହେଉଛନ୍ତି ଓସାମାଙ୍କ ତୃତୀୟ ସ୍ତ୍ରୀଙ୍କ ପୁଅ।