କାର୍ଲିଫର୍ନିଆ,୧୨।୧୨: ମେକ୍ସିକୋରୁ ପ୍ରତିବର୍ଷ ଅନେକ ପ୍ରବାସୀ ଲୋକ ଅସାମ୍ବିଧାନିକ ଭାବେ ଆମେରିକାରେ ପ୍ରବେଶ କରିଥାନ୍ତି। କିଛି ଲୋକ ଧରାପଡିଥିବାବେଳେ ଆଉ କିଛି ସେଠାରେ ରହିଯାନ୍ତି। ସେହିପରି କାର୍ଲିଫର୍ନିଆରେ ଏକ ଅଜବ ମାମଲା ଦେଖିବାକୁ ମିଳିଛି। ଆମେରିକାରେ ପ୍ରବେଶ କରିବାକୁ ଯାଉଥିବାବେଳେ ସାନ୍ ସିଡ୍ରୋପୋଟ୍ରୋଠାରୁ ୧୧ ଚାଇନା ଲୋକ ଧରାପଡିଛନ୍ତି। ସେମାନେ ଓ୍ବାଶିଙ୍ଗ୍ ମେଶିନ୍, ଆଲମାରୀ ଏବଂ ସୋଫା ଭିତରେ ଲୁଚି ଏକ ଟ୍ରକ୍ରେ ଆମେରିକା ଯାଉଥିବାବେଳେ କାର୍ଲିଫର୍ନିଆରେ ପୋଲିସ ତାଙ୍କୁ ଗିରଫ କରିଛି। ୟୁଏସ୍ କଷ୍ଟମ ଏବଂ ବର୍ଡର ପ୍ରୋଟେକଶନ୍ ପକ୍ଷରୁ ଏହି ସୂଚନା ଦିଆଯାଇଛି। ଟ୍ରକ୍ ଚାଳକ ଜଣଙ୍କ ଆମେରିକାର ନାଗରିକ ବୋଲି ଜଣାପଡିଛି। ଗତ ମାସରେ ମଧ୍ୟ ଏମିତି ଢଙ୍ଗରେ କେତେକ ଚାଇନା ଅଧିବାସୀ ଆମେରିକାରେ ପ୍ରବେଶ କରୁଥିବାବେଳେ ଧରାପଡିଥିଲେ।
