ନୂଆଦିଲ୍ଲୀ,୨୪।୬: ଲୋକ ସଭାରେ କଂଗ୍ରେସ ଲିଡର ଅଧୀର ରଞ୍ଜନ ଚୌଧୁରୀ ଓ୍ବିଙ୍ଗ କମାଣ୍ଡର ଅଭିନନ୍ଦନ ବର୍ଥମାନଙ୍କ କଥା ଉଠାଇଛନ୍ତି। ଅଧୀର କହିଛନ୍ତି ଅଭିନନ୍ଦନଙ୍କୁ ପୁରସ୍କୃତ କରାଯିବା ସହ ତାଙ୍କ ନଶକୁ ‘ଜାତୀୟ ନିଶ’ ଭାବେ ଘୋଷଣା କରିବା ଦରକାର। ସୂଚନାଯୋଗ୍ୟ, ଗତ ଫେବୃୟାରୀରେ ଭାରତୀୟ ବାୟୁସେନାର ଓ୍ବିଙ୍ଗ କମାଣ୍ଡର ଅଭିନନ୍ଦନ ବର୍ଥମାନ ପାକିସ୍ତାନ ଆତଙ୍କବାଦୀଙ୍କ ଉପରେ ଆକ୍ରମଣ କରିବା ସହ ଭୁଲ୍ ବଶତଃ ପାକିସ୍ତାନ ସୀମାରେ ପ୍ରବେଶ କରିଯାଇଥିଲେ। ଏହା ପରେ ପାକ୍ ସେନା ତାଙ୍କୁ ନିଜ କବ୍ଜାକୁ ନେବା ସହ ବହୁ ବାଦବିବାଦ ପରେ ଭାରତକୁ ହସ୍ତାନ୍ତର କରିଥିଲେ। ଏହାପରଠାରୁ ଚର୍ଚ୍ଚାକୁ ଆସିଥିଲେ ଦେଶର ଏହି ବୀର ସୁପୁତ୍ର ଅଭିନନ୍ଦନ ବର୍ଥମାନ।
