ଶୀତଦିନ ପାଇଁ ମାର୍କେଟରେ ମିଳୁଛି ବିଭିନ୍ନ ପାଟର୍ନର ଷ୍ଟୋଲ୍ । ଏହାକୁ ଆପଣ ଶାଢ଼ି, ସୁଟ୍, ଜିନ୍ସ, ସ୍କର୍ଟ ଆଦି ସହ ଭିନ୍ନ ଭିନ୍ନ ଷ୍ଟାଇଲ୍ରେ ପକାଇପାରିବେ। ଡ୍ରେସ୍ ଅନୁଯାୟୀ ଉଲେନ୍ ଏବଂ କଟନ୍ ଷ୍ଟୋଲ୍କୁ ବି ମ୍ୟାଚ୍ କରି ପକାଇପାରିବେ…
ସାଧାରଣତଃ ମହିଳାମାନଙ୍କର କଟନ୍ ଷ୍ଟୋଲ୍ ହିଁ ପସନ୍ଦ। କାରଣ ଏହା ହାଲ୍କା ହେବା ସହ ଦେଖିବା ପାଇଁ ସୁନ୍ଦର। ଖରା, ବର୍ଷା କିମ୍ବା ଶୀତ ଯେକୌଣସି ସମୟରେ ଆପଣ ଏହାକୁ ବ୍ୟବହାର କରିପାରିବେ। କେବଳ ଶୀତ ନୁହେଁ, ସୂର୍ଯ୍ୟକିରଣରୁ ରକ୍ଷା ପାଇବା ପାଇଁ ବି ଏହାକୁ ବ୍ୟବହାର କରିପାରିବେ।
ଉଲେନ୍ ଷ୍ଟୋଲ୍କୁ କେବଳ ଶୀତଦିନେ ବ୍ୟବହାର କରିପାରିବେ। ଶାଢ଼ି ଏବଂ ଜିନ୍ସ ସହ ଏହା ବେଶ୍ ମ୍ୟାଚିଂ କରିଥାଏ। ଏହା ଶରୀରକୁ ଉଷ୍ମତା ପ୍ରଦାନ କରିବା ସହ ଆକର୍ଷଣୀୟ ଲୁକ୍ ବି ଦେଇଥାଏ। ଆପଣ ଚାହିଁଲେ ସିମ୍ପଲ୍ ଏବଂ ଏମ୍ବ୍ରୋଡରି ଓ୍ବାର୍କ ଥିବା ଷ୍ଟୋଲ୍ ବାଛିପାରିବେ।
ହ୍ୟାଣ୍ଡ୍ମେଡ୍ ଷ୍ଟୋଲ୍ ଆପଣଙ୍କ ପାଇଁ ବେଷ୍ଟ ଅପ୍ସନ। ଏହା ଆପଣଙ୍କୁ ପର୍ଫେକ୍ଟ ଲୁକ୍ ଦେବ। ହ୍ୟାଣ୍ଡ୍ମେଡ୍ ଷ୍ଟୋଲ୍ ମଧ୍ୟରେ କ୍ରୋଶିୟା ଓ୍ବାର୍କ, ଏମ୍ବ୍ରୋଡରି ଷ୍ଟୋଲ୍ ଏବଂ ହ୍ୟାଣ୍ଡ୍ ପ୍ରିଣ୍ଟ୍ ଷ୍ଟୋଲ୍ ଆଦି ଥିବାବେଳେ ଏହାର ପ୍ରାଇସ୍ ସାଧାରଣତଃ ଅନ୍ୟ ଓ୍ବାର୍କ ତୁଳନାରେ ଅଧିକ ଥାଏ।
ଯଦି ଆପଣଙ୍କୁ ପ୍ରିଣ୍ଟେଡ୍ ଷ୍ଟୋଲ୍ ପସନ୍ଦ ତେବେ ଭିନ୍ନ ଭିନ୍ନ ପ୍ରିଣ୍ଟ୍ର ଷ୍ଟୋଲ୍ ଆପଣାନ୍ତୁ। ଏହା ମଧ୍ୟରେ ରହିଛି ଟାଇଗର ପ୍ରିଣ୍ଟ୍, ଫ୍ଲୋରାଲ୍ ପ୍ରିଣ୍ଟ୍, ଡିଜିଟାଲ୍ ପ୍ରିଣ୍ଟ୍ ଓ ସିନେରି ପ୍ରିଣ୍ଟ୍ ଇତ୍ୟାଦି। ଏହା ମଧ୍ୟରୁ ଯେକୌଣସି ଷ୍ଟୋଲ୍କୁ ଆପଣ ଡ୍ରେସ୍ ସହ ମ୍ୟାଚିଂ କରି ପିନ୍ଧିପାରିବେ।
ଶୀତଦିନେ ଉଲେନ୍ ବ୍ୟତୀତ ଫିଦରରେ ପ୍ରସ୍ତୁତ ଷ୍ଟୋଲ୍କୁ ଅନେକେ ପସନ୍ଦ କରୁଛନ୍ତି। ଏହି ଷ୍ଟୋଲ୍କୁ ଆପଣ ପାର୍ଟି ବା ଫଙ୍କ୍ଶନରେ ବି ପିନ୍ଧି ଯାଇପାରିବେ।