ଲଣ୍ଡନ, ୪।୭(ଏଏଫପି)- ଓ୍ବିମ୍ବେଲଡନ ଗ୍ରାଣ୍ଡସ୍ଲାମ ଟେନିସ ପୁରୁଷ ସିଙ୍ଗଲ୍ସ ଦ୍ୱିତୀୟ ରାଉଣ୍ଡରେ ଷ୍ଟାନ୍ ଓ୍ବାରିଙ୍କାଙ୍କୁ ହରାଇ ବିପର୍ଯ୍ୟୟ ସୃଷ୍ଟି କରିଛନ୍ତି ରିଲି ଓପେଲ୍କା। ୩ ଥର କ୍ୱାର୍ଟର ଫାଇନାଲିଷ୍ଟ ୩୪ ବର୍ଷୀୟ ଓ୍ବାରିଙ୍କାଙ୍କୁ ୬ ଫୁଟ ୧୧ ଇଞ୍ଚ୍ ଉଚ୍ଚତା ବିଶିଷ୍ଟ ଓପେଲ୍କା ୭-୫, ୩-୬, ୪-୬, ୬-୪, ୮-୬ ସେଟ୍ରେ ପରାସ୍ତ କରିଛନ୍ତି। ଓ୍ବାରିଙ୍କାଙ୍କଠାରୁ ୧୩ ବର୍ଷ ସାନ ଆମେରିକାର ଓପେଲ୍କା ପ୍ରଥମଥରପାଇଁ କୌଣସି ଗ୍ରାଣ୍ଡସ୍ଲାମ ଟୁର୍ନାମେଣ୍ଟର ତୃତୀୟ ରାଉଣ୍ଡରେ ପ୍ରବେଶ କରିଛନ୍ତି। ଅନ୍ୟଏକ ମ୍ୟାଚରେ ମିଲୋସ ରାଓନିକ୍ ୭-୬(୭/୧), ୭-୫, ୭-୬(୭/୪) ସେଟ୍ରେ ରବିନ ହସୀଙ୍କୁ ହରାଇ ତୃତୀୟ ରାଉଣ୍ଡରେ ପ୍ରବେଶ କରିଛନ୍ତି। ଡେଭିଡ ଗଫିନ ୬-୨. ୬-୪, ୬-୩ ସେଟ୍ରେ ଜେରେମି ଚାର୍ଡିଙ୍କୁ ହରାଇଥିବାବେଳେ ଥୋମାସ ଫାବିଆନୋ ୬-୩, ୬-୭(୬/୮), ୬-୩, ୬-୭(୪/୭), ୬-୪ ସେଟ୍ରେ ଇଭୋ କାର୍ଲୋଭିଚ୍ଙ୍କୁ ପରାସ୍ତ କରିଛନ୍ତି। ମହିଳା ସିଙ୍ଗଲ୍ସରେ ଚେକ୍ ରିପବ୍ଲିକର ତୃତୀୟ ସିଡ୍ କାରୋଲିନା ପିସକୋଭା ୬-୦, ୬-୪ ସେଟ୍ରେ ପୁର୍ତ୍ତୋରିକୋର ଅଲିମ୍ପିକ୍ ଚାମ୍ପିୟନ ମୋନିକା ପୁଇଗ୍ଙ୍କୁ ହରାଇ ତୃତୀୟ ରାଉଣ୍ଡରେ ପ୍ରବେଶ କରିଛନ୍ତି। ଅନ୍ୟ ମ୍ୟାଚ ଗୁଡ଼ିକରେ ସିମୋନା ହାଲେପ ୬-୨, ୪-୬, ୬-୨ ସେଟ୍ରେ ମିହାଲା ବିଜାର୍ନେସ୍କୁଙ୍କୁ, କାରୋଲିନା ପ୍ଲିସ୍କୋଭା ୬-୦, ୬-୪ ସେଟ୍ରେ ମୋନିକା ପୁଇଗ୍, ଭିକ୍ଟୋରିଆ ଆଜାରେଙ୍କା ୬-୨, ୬-୦ ସେଟ୍ରେ ଆଜଲା ଟୋମଲଜାନୋଭିଚ୍ଙ୍କୁ ହରାଇ ତୃତୀୟ ରାଉଣ୍ଡରେ ପ୍ରବେଶ କରିଛନ୍ତି।