ଲଡର୍ସ,୧୪।୭(ପିଟି)- ନ୍ୟୁଜିଲାଣ୍ଡ ଅଧିନାୟକ କେନ ଓ୍ବିଲିୟମସନ ରବିବାର ସ୍ବତନ୍ତ୍ର ବିଶ୍ୱକପ୍ ରେକର୍ଡର ଅଧିକାରୀ ହୋଇଛନ୍ତି। ଏଠାରେ ଖେଳାଯାଇଥିବା ଇଂଲଣ୍ଡ ବିପକ୍ଷ ଫାଇନାଲ ମ୍ୟାଚ୍ରେ ୩୦ ରନ୍ର ଇନିଂସ ଖେଳିବା ଅବସରରେ ବିଶ୍ୱକପ୍ର ଗୋଟିଏ ସଂସ୍କରଣରେ ଅଧିନାୟକ ଭାବେ ସର୍ବାଧିକ ରନ୍ କରିବାର ରେକର୍ଡ ନିଜ ନାମରେ କରିଛନ୍ତି। ସେ ଶ୍ରୀଲଙ୍କାର ପୂର୍ବତନ ଅଧିନାୟକ ମାହେଲା ଜୟବର୍ଦ୍ଦନେଙ୍କୁ ଅତିକ୍ରମ କରିଛନ୍ତି। ଜୟବର୍ଦ୍ଦନେ ୨୦୦୭ ସଂସ୍କରଣରେ ୫୪୮ ରନ୍ କରିଥିଲେ। ଓ୍ବିଲିୟମସନ ଚଳିତ ବିଶ୍ୱକପ୍ରେ ମୋଟ ୫୭୮ ରନ୍ କରି ଅଭିଯାନ ଶେଷ କରିଛନ୍ତି। ଏହି ତାଲିକାରେ ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଂ (୫୩୯ ରନ୍, ୨୦୦୭ ସଂସ୍କରଣ), ଆରୋନ ଫିଞ୍ଚ (୫୦୭ ରନ୍, ୨୦୧୯ ସଂସ୍କରଣ) ଓ ଏବି ଡିଭିଲର୍ସ (୪୮୨ ରନ୍, ୨୦୧୫)ଙ୍କ ଭଳି ଖେଳାଳି ଟପ୍ ୫ ମଧ୍ୟରେ ରହିଛନ୍ତି। ପୂର୍ବତନ ଭାରତୀୟ ଅଧିନାୟକ ସୌରଭ ଗାଙ୍ଗୁଲି ୨୦୦୩ ବିଶ୍ୱକପ୍ରେ ୪୬୫ ରନ୍ କରିଥିଲେ। ସେ ଅଧିନାୟକ ଭାବେ ବିଶ୍ୱକପ୍ରେ ସର୍ବାଧିକ ରନ୍ କରିଥିବା ଖେଳାଳିଙ୍କ ତାଲିକାରେ ୬ଷ୍ଠ ସ୍ଥାନରେ ରହିଛନ୍ତି।