ଫ୍ୟାଶନ୍ ବଦଳୁଛି। ବଦଳୁଛି ଟ୍ରେଣ୍ଡ। ସୁନ୍ଦର, ଷ୍ଟାଇଲିସ୍ ଓ ଆକର୍ଷଣୀୟ ଲାଗିବା ପାଇଁ ସମସ୍ତେ ସେହି ଫ୍ୟାଶନ୍ର ନୂଆ ଟ୍ରେଣ୍ଡକୁ ଆପଣେଇଥାଆନ୍ତି। ଏମିତିକି ଫ୍ୟାଶନ ଅଜବ ହେଲେବି ତାକୁ ଆପଣେଇବାକୁ ପଛାନ୍ତି ନାହିଁ। ଯେମିତିକି ଏବେ ଓ୍ବେଭି ଲିପ୍ସର ଫ୍ୟାଶନ୍ ଆରମ୍ଭ ହୋଇଛି। କେହି କେହି ଏହାକୁ ଡେଭିଲ ଲିପ୍ସ ବା ଅକ୍ଟୋପସ୍ ଲିପ୍ସ କହୁଛନ୍ତି। କସ୍ମେଟିକ୍ ସର୍ଜରୀ କରାଇ ଓଠର ଚାରିପଟ ଧାରରେ ଫିଲର୍ ଭର୍ତ୍ତି କରାଯାଏ। ଖାସ୍କରି ଉପର ଓଠର ଧାରରେ ଫିଲର୍ ଦେଇ ଲହଡି ବା ଓ୍ବେଭି ଲୁକ୍ ଦିଆଯାଏ। ଏହି ବ୍ୟୁଟି ଟ୍ରେଣ୍ଡ କେଉଁଠୁ ଓ କିଏ ଆରମ୍ଭ କରିଛି ଠିକ୍ଭାବେ ଜଣା ନାହିଁ। ହେଲେ କୁହାଯାଉଛି ରୁଷୀୟ ପ୍ଲାଷ୍ଟିକ ସର୍ଜନ ଏମିଲିଆନ୍ ବ୍ରଡ୍ ଏହି ଟ୍ରେଣ୍ଡକୁ ଆରମ୍ଭ କରିଥିଲେ। ରୁଷ୍ରେ ଏହାର ଲୋକପ୍ରିୟତା ବଢିଥିବା ଜଣାଯାଏ। ତେବେ କିଛି ପ୍ଲାଷ୍ଟିକ ସର୍ଜନଙ୍କ ମତରେ ଏଭଳି ଓ୍ବେଭି ଲିପ୍ସ କରିବା ବିପଜ୍ଜନକ। ତେଣୁ ଏହାକୁ ନ ଆପଣେଇବାକୁ ପରାମର୍ଶ ଦେଉଛନ୍ତି।