ନୂଆଦିଲ୍ଲୀ,୧୩-୨: ଗତ ଡିସେମ୍ବର ମାସରେ ଦେଶର ଔଦ୍ୟୋଗିକ ଉତ୍ପାଦନ ୦.୩% ହ୍ରାସ ଘଟିଛି। ମାନୁଫାକଚରିଂ କ୍ଷେତ୍ରରେ ହ୍ରାସ ଯୋଗୁ ଏହା ହୋଇଥିବା ସରକାରୀ ଡାଟାରୁ ଜଣାପଡିଛି। ୨୦୧୮ ଡିସେମ୍ବରରେ ଔଦ୍ୟୋଗିକ ଉତ୍ପାଦନ ସୂଚୀ (ଆଇଆଇପି) ୨.୫% ଅଭିବୃଦ୍ଧି ହୋଇଥିଲା। ଜାତୀୟ ପରିସଂଖ୍ୟାନ କାର୍ଯ୍ୟାଳୟ (ଏନ୍ଏସ୍ଓ) ଡାଟା ମୁତାବକ ମାନୁଫାକଚରିଂ କ୍ଷେତ୍ର ଅଭିବୃଦ୍ଧି ୧.୨% ରହିଛି। ୨୦୧୮ ଡିସେମ୍ବରରେ ଏହାର ୨.୯% ବୃଦ୍ଧି ଘଟିଥିଲା। ଏହି ସମୟରେ ବିଦ୍ୟୁତ ଉତ୍ପାଦନ ୦.୧% ହ୍ରାସ ଘଟିଥିବା ଦେଖାଯାଇଛି। ୨୦୧୮ ଡିସେମ୍ବରରେ ଏଥିରେ ୪.୫% ବୃଦ୍ଧି ପରିଲକ୍ଷିତ ହୋଇଥିଲା। ଏହାବାଦ ଖଣି କ୍ଷେତ୍ର କାର୍ଯ୍ୟକଳାପ ୫.୪% ବଢିଛି। ଏହା ପୂର୍ବରୁ ୧% ହ୍ରାସ ହୋଇଥିଲା। ଚଳିତ ବର୍ଷ ଏପ୍ରିଲ-ଡିସେମ୍ବର ସମୟରେ ଆଇଆଇପି ଅଭିବୃଦ୍ଧି ୦.୫% ଖସିଛି। ଏହା ୨୦୧୮-୧୯ରେ ୪.୭% ବୃଦ୍ଧି ଘଟିଥିଲା।