ନୂଆଦିଲ୍ଲୀ,୧୮।୮: ଲୋକ ସଭା ନିର୍ବାଚନ ପୂର୍ବରୁ ଭାଜପା ଛାଡି କଂଗ୍ରେସରେ ଯୋଗ ଦେଇଥିବା ବଲିଉଡ୍ ଅଭିନେତା ଶତ୍ରୁଘ୍ନ ସିହ୍ନାଙ୍କ ଅଡୁଆ ଏବେ ବଢିଯାଇଛି। କାରଣ ଗତ ସ୍ବାଧୀନତା ଦିବସରେ ପ୍ରଧାନମନ୍ତ୍ରୀ ମୋଦି ଲାଲକିଲାରେ ଯେଉଁ ଭାଷଣ ଦେଇଥିଲେ ଶତ୍ରୁଘ୍ନ ଏହାର ଖୁବ୍ ପ୍ରଶଂସା କରିଛନ୍ତି। ଗୋଟିଏ ପରେ ଗୋଟିଏ ଟୁଇଟ୍ କରି ଶତ୍ରୁଘ୍ନ ମୋଦିଙ୍କର ପ୍ରଶଂସା କରିଥିବା ବେଳେ ମଝିରେ ତାଙ୍କୁ ମୋଦି ଜୀ ବୋଲି ମଧ୍ୟ ସମ୍ବୋଧନ କରିଛନ୍ତି। ସେଦିନ ମୋଦି କହିଥିବା ଜନସଂଖ୍ୟା ବୃଦ୍ଧି, ଅନୁଚ୍ଛେଦ ୩୭୦ର ଉଚ୍ଛେଦ ଆଦିକୁ ଶତ୍ରୁଘ୍ନ ଖୁବ୍ ପ୍ରଶଂସା କରିବା ସହ ମୋଦିଙ୍କ ସାହସକୁ ସାଲ୍ୟୁଟ କରିବା କଥା ମଧ୍ୟ ଲେଖିଛନ୍ତି। ଏବେ ଶତ୍ରୁଘ୍ନଙ୍କର ଏହି ଟୁଇଟକୁ ନେଇ ଆଲୋଚନା ଓ ସମାଲୋଚନା ଆରମ୍ଭ ହୋଇଗଲାଣି। ରାଜନୈତିକ ମହଲରେ ଚାପା ଗୁଞ୍ଜରଣ ହେଉଛି କି ଶତ୍ରୁଘ୍ନଙ୍କୁ କଂଗ୍ରେସ ତଡି ଦେବନି ତ।