ନୂଆଦିଲ୍ଲୀ, ୨୬।୫: ଲୋକ ସଭା ନିର୍ବାଚନରେ କଂଗ୍ରେସ ଦଳ ୨୦୧୪ ତୁଳନାରେ ମାତ୍ର ୮ ଆସନ ଅଧିକ ହାସଲ କରିଛି। ପୂର୍ବରୁ ଏହା ୪୪ ଥିବାବେଳେ ଚଳିତ ଲୋକ ସଭାରେ ୫୨ରେ ସୀମିତ ରହିଛି। ନିର୍ବାଚନ ଫଳାଫଳକୁ ଦୃଷ୍ଟିରେ ରଖି କଂଗ୍ରେସ ଏହାର ଉଜୁଡ଼ା କ୍ଷେତକୁ ଜଗିବା ଲାଗି ଦଳର ପୁନର୍ଗଠନ ଯୋଜନା କରୁଥିବା କୁହାଯାଉଛି। ଏବେ ଦଳରେ ଜଣେ ରାଷ୍ଟ୍ରୀୟ ଅଧ୍ୟକ୍ଷଙ୍କ ସହିତ ୪ କାର୍ଯ୍ୟକାରୀ ଅଧ୍ୟକ୍ଷଙ୍କୁ ନିଯୁକ୍ତ କରାଯିବା ଲାଗି ବିଚାର କରାଯାଉଛି। ଏଥିପାଇଁ ଅହମ୍ମଦ ପଟେଲ୍, ଅମରିନ୍ଦର ସିଂଙ୍କ ସମେତ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ନାମ ନେଇ ଚର୍ଚ୍ଚା ହେଉଛି।