ନୂଆଦିଲ୍ଲୀ,୨୨।୫: ବିଭିନ୍ନ ସର୍ଭେ ସଂସ୍ଥା ପକ୍ଷରୁ ଏକ୍ଜିଟ୍ ପୋଲ୍ କରାଯାଇଥିବାବେଳେ ଏଥିରେ ଏନଡିଏ ପୁଣିଥରେ କ୍ଷମତା ଦଖଲ କରିବ ବୋଲି ଅନୁମାନ କରାଯାଇଛି। ତେବେ ଖୋଦ୍ କଂଗ୍ରେଦ ଦଳ ପକ୍ଷରୁ କରାଯାଇଥିବା ଏକ୍ଜିଟ୍ ପୋଲ୍ରେ ୟୁପିଏ ମେଣ୍ଟ ୧୯୫ ଆସନ ଦଖଲ କରୁଥିବା ଜଣାପଡ଼ିଛି। ସେହିପରି ଏନ୍ଡିଏ ମେଣ୍ଟ ୨୩୦ ଆସନ ଜିଣିବାର ସମ୍ଭାବନା ରହିଛି। ଦୁଇ ମେଣ୍ଟ ମଧ୍ୟରେ ପାର୍ଥକ୍ୟ ୩୫ ଆସନ ରହିବାର କଂଗ୍ରେସର ଏକ୍ଜିଟ୍ ପୋଲ୍ରୁ ଜଣାପଡ଼ିଛି। ଦକ୍ଷିଣ ଭାରତରେ କଂଗ୍ରେସ ଅଧିକ ଆସନ ଜିଣିବାର ଆଶା ରହିଛି। ସେହିପରି କେତେକ ରାଜ୍ୟରେ କଂଗ୍ରେସ ଭଲ କରିବ ବୋଲି ଦଳ ପକ୍ଷରୁ ଆଶାବ୍ୟକ୍ତ କରାଯାଇଛି।