ନୂଆଦିଲ୍ଲୀ,୯।୧୦: କଂଗ୍ରେସର ବରିଷ୍ଠ ନେତା ସଲମାନ ଖୁର୍ସିଦ ଦଳର ବିଜୟକୁ ନେଇ ଯେଉଁ ବୟାନ ଦେଲେ ଏବେ ତାକୁ ନେଇ ଆରମ୍ଭ ହୋଇଛି ରାଜନୀତି। ଟୁଇଟ୍ କରି ଭାଜପା କହିଛି କଂଗ୍ରେସ ନିକଟରେ ନା ଅଛନ୍ତି କେହି ନେତା ନା ନୀତି ନା କୌଣସି ନିୟତ ବା ଉଦ୍ଦେଶ୍ୟ। ଭାଜପାର ପ୍ରବକ୍ତା ସମ୍ବିତ ପାତ୍ର କହିଛନ୍ତି ଖୁର୍ସିଦ ଯେଉଁ ବୟାନ ଦେଇଛନ୍ତି ତାହା ସ୍ପଷ୍ଟ କରୁଛି କି ମହାରାଷ୍ଟ୍ରର ଆସନ୍ତା ବିଧାନସଭା ନିର୍ବାଚନରେ କଂଗ୍ରେସ ବିଜୟଲାଭ କରିବ ନାହିଁ। ତେଣୁ ଏବେଠରୁ ଖୁର୍ସିଦ ଏହା ସ୍ବୀକାର କରି ନେଇଛନ୍ତି। ଖୁର୍ସିଦଙ୍କ କଥାରୁ ଯାହା ଲାଗୁଛି ସେ କହିବାକୁ ଚାହୁଁଛନ୍ତି କି ରାହୁଲ ଏବେ କଂଗ୍ରେସ ଛାଡିଦେଲେ, ସୋନିଆ ପ୍ରସ୍ତୁତି ପଥେ ରହିଛନ୍ତି। ତେଣୁ ଏହାର ଅର୍ଥ କଂଗ୍ରେସ ନିକଟରେ ନା ଅଛନ୍ତି କେହି ନେତା ନା ନୀତି ନା କୌଣସି ନିୟତ ବା ଉଦ୍ଦେଶ୍ୟ ବୋଲି ସମ୍ବିତ ଟୁଇଟ୍ କରି କହିଛନ୍ତି। ସୂଚନାଯୋଗ୍ୟ, ବୁଧବାର ଖୁର୍ସିଦ କହିଥିଲେ କି କଂଗ୍ରେସର ବର୍ତ୍ତମାନର ସ୍ଥିତି ଯାହା ଅଛି ତାକୁ ଲକ୍ଷ୍ୟ କଲେ ସହଜରେ ଅନୁମାନ କରାଯାଉଛି କି ମହାରାଷ୍ଟ୍ର ଓ ହରିୟାଣାରେ ହେବାକୁ ଥିବା ବିଧାନସଭା ନିର୍ବାଚନରେ କଂଗ୍ରେସ ବିଜୟଲାଭ କରିବାର ସମ୍ଭାବନା କମ୍।
