ବନ୍ତ,୨ା୪(ଡି.ଏନ୍.ଏ.)-ଚଳିତ ବର୍ଷ କରୋନା କଟକଣା ପାଇଁ ବନ୍ତ ବ୍ଳକ ଟିଲୋ ମାଳିସାହି ଛକ ଠାରେ ନିରାଡମ୍ବର ସହକାରେ ରାମନବମୀ ପୂଜା ପାଳିତ ହୋଇଛି । ଦୀର୍ଘ ୪୩ ବର୍ଷ ପୂର୍ବେ ଆରମ୍ଭ ହୋଇଥିବା ଏହି ପୂଜା ଚଳିତ ବର୍ଷ ୭ ଦିନ ପରିବର୍ତ୍ତେ ୨ ଘଣ୍ଟାରେ ଶେଷ ହୋଇଛି । ଭୋର ସମୟରେ ନିକଟସ୍ଥ ଗ୍ରେନଗୋଲା ବୁଡି ପୋଖରୀରୁ କଳସ ଅଣାଯାଇ ଘଟ ସ୍ଥାପନା ପୂର୍ବକ ପୂଜା କାର୍ଯ୍ୟ ଆରମ୍ଭ ହୋଇଥିଲା । ୫ କଳସ ପରିବର୍ତ୍ତେ କେବଳ ବରିଷ୍ଠ ସଭ୍ୟ ଜଗବନ୍ଧୁ ଖୁଣ୍ଟିଆ କଳସ ଆଣିଥିଲେ। ପୂଜକଭାସ୍କର ଚନ୍ଦ୍ର ଶତପଥୀ, ସହକାରୀ ପୂଜକ ବିଜୟ ଦାଶଙ୍କ ଦ୍ୱାରା ପୂଜା କାର୍ଯ୍ୟ ସମାପନ ହୋଇଥିଲା। ସକାଳ ୯ଟା ସୁଦ୍ଧା ପୂଜାର ସମସ୍ତ ପୂଜା କାର୍ଯ୍ୟ ସମ୍ପନ୍ନ ହୋଇଥିଲା । ସାମାଜିକ ଦୂରତା ରକ୍ଷା କରି ସ୍ଥାନୀୟ ଅଞ୍ଚଳର ଓଷା ରଖିଥିବା ମହିଳା ଓ ପୁରୁଷ ଭକ୍ତ ମାନେ ଠାକୁରଙ୍କ ଠାରୁ ପଣା ଓ ପ୍ରସାଦ ସେବନ କରିଥିଲେ । ପୂଜା କମିଟିର ସଭାପତି ଘନଶ୍ୟାମ ସା ଓ ସମ୍ପାଦକ ମଧୁସୂଦନ ସାମଲ, ଦେବେନ୍ଦ୍ର ନାଥ ସାହୁ, ବିଦ୍ୟାଧର ଲେଙ୍କା, କ୍ଷୀରୋଦ ରାଉତ, ସଂଗ୍ରାମ କେଶରୀ ଜେନା ସହଯୋଗ କରିଥିଲେ ।